Home LATEST NEWS സ്വർണ്ണക്കടത്ത് കേസിൽ ഭർത്താവ് അറസ്റ്റിലായെന്നു വ്യാജപ്രചരണം; പ്രതി ഇവിടെയുണ്ടല്ലോ എന്ന് പറഞ്ഞ് ഭർത്താവിനെ ലൈവിൽ കാണിച്ച്...

സ്വർണ്ണക്കടത്ത് കേസിൽ ഭർത്താവ് അറസ്റ്റിലായെന്നു വ്യാജപ്രചരണം; പ്രതി ഇവിടെയുണ്ടല്ലോ എന്ന് പറഞ്ഞ് ഭർത്താവിനെ ലൈവിൽ കാണിച്ച് നടി ജ്യോതികൃഷ്ണ : വീഡിയോ

സ്വര്‍ണക്കടത്ത് കേസില്‍ ഭര്‍ത്താവ് അരുണ്‍ അറസ്റ്റിലായെന്ന വ്യാജ വാര്‍ത്തക്കെതിരെ നടി ജ്യോതികൃഷ്ണ. ഇൻസ്റ്റാഗ്രാം അക്കൗണ്ടില്‍ ലൈവില്‍ എത്തിയാണ് ജ്യോതികൃഷ്ണ പ്രതികരിച്ചത്.

ഭര്‍ത്താവിനെ ലൈവില്‍ കാണിച്ചാണ് നടി വാര്‍ത്തയ്ക്കെതിരെ രം​ഗത്തെത്തിയത്. വ്യാജ പ്രചരണത്തിനെതിരെ പൊലീസില്‍ പരാതി നല്‍കിയിട്ടുണ്ടെന്നും ജ്യോതി പറഞ്ഞു. നടി രാധികയുടെ സഹോദരന്‍ അരുണ്‍ രാജയാണ് ജ്യോതികൃഷ്ണയുടെ ഭര്‍ത്താവ്.

ജ്യോതി കൃഷ്ണ ലൈവിൽ പറഞ്ഞ കാര്യങ്ങൾ ഇങ്ങനെ:

രാവിലെ മുതല്‍ ഫോണ്‍ വെക്കാന്‍ സമയം കിട്ടിയിട്ടില്ല, എന്റെയൊരു സുഹൃത്താണ് ആദ്യം ഒരു യൂട്യൂബ് ലിങ്ക് അയച്ച്‌ തന്നിട്ട് എന്താണ് സംഭവം എന്ന് ചോദിക്കുന്നത്. പത്ത് മിനിറ്റ് മുമ്ബുവരെ എന്റെയടുത്ത് കിടന്ന ആളാണല്ലോ ഇത്രപെട്ടെന്ന് പൊലീസ് അറസ്റ്റ് ചെയ്‌തോ! എന്നാണ് ഞാന്‍ വിചാരിച്ചത്. അങ്ങനെ ഞാന്‍ എണീറ്റ് ചെന്ന് നോക്കിയപ്പോള്‍ ഇല്ല, ലിവിങ് റൂമില്‍ ഉണ്ട്.

പാലാരിവട്ടം പാലം പുനർനിർമ്മാണം: മേൽനോട്ടം ഇ ശ്രീധരൻ ഏറ്റെടുത്തേക്കുമെന്നു സൂചന

എന്റെ ചേട്ടാ, ഒന്ന് അന്വേഷിച്ചിട്ടൊക്കെ ചെയ്യണ്ടേ. ഇന്ന് രാവിലെ മുതല്‍ കേട്ടുകൊണ്ടിരിക്കുന്ന കാര്യമാണ് നടി ജോതികൃഷ്ണയുടെ ഭര്‍ത്താവ് നടി രാധികയുടെ സഹോദരന്‍ സ്വര്‍ണ്ണക്കടത്തുമായി ബന്ധപ്പെട്ട് പൊലീസ് കസ്റ്റഡിയിലാണ്. സെപ്തംബര്‍ എട്ടാം തിയതിയാണ് അറസ്റ്റ് രേഖപ്പെടുത്തിയത്.

ഇതാണോ ആ മനുഷ്യന്‍? (ഭര്‍ത്താവിനു നേരെ ക്യാമറ തിരിച്ച്‌ നടി ചോദിക്കുന്നു)

സോഷ്യല്‍ മീഡിയ കുറേക്കാലം എന്നെ നല്ലരീതിയില്‍ കൊന്നിട്ടുണ്ട്. അതുകഴിഞ്ഞ് ഞാന്‍ എല്ലാത്തില്‍നിന്നും വിട്ടുമാറി നില്‍ക്കുകയായിരുന്നു. ഒരുരീതിയിലും ബന്ധമില്ലാത്ത ഒരു പുതിയ കാര്യം പറഞ്ഞാണ് ഇപ്പോള്‍ വീണ്ടും വാര്‍ത്ത വന്നിരിക്കുന്നത്. ഒന്നും പറയാനില്ല. ഞങ്ങള്‍ ഞങ്ങളുടെ ജീവിതം ആസ്വദിക്കുന്നുണ്ട്.

സന്തോഷമായിട്ട് ദുബായില്‍ ഉണ്ട്. ഈ പറയുന്ന കേസുമായിട്ടും ഒരു കാര്യവുമായിട്ടും എനിക്കോ ഭര്‍ത്താവിനോ യാതൊരുവിധ ബന്ധവുമില്ല. ദുബായ് പൊലീസില്‍ കേസ് ഫയല്‍ ചെയ്തിട്ടുണ്ട്, നാട്ടിലും കേസ് ഫയല്‍ ചെയ്തിട്ടുണ്ട്.

Also Read :   കെൽട്രോണിൽ ടെലിവിഷൻ ജേണലിസത്തിന് അപേക്ഷിക്കാം