ലോകാരോഗ്യ സംഘടന ഡയറക്ടര് ജനറല് ഡോ. ടെഡ്രോസ് അദാനോം ഗെബ്രിയേസസ് ആണ് യു.എന്. ചാനലിലൂടെ ജീവിതശൈലി രോഗ നിയന്ത്രണത്തിനുള്ള അവാര്ഡ് കേരളത്തിന് ലഭിക്കുന്നതായി ഔദ്യോഗികമായി പ്രഖ്യാപിച്ചത്.
എല്ലാ വര്ഷവും മികച്ച ജീവിത ശൈലീ രോഗനിയന്ത്രണ പ്രവര്ത്തനങ്ങള് നടത്തുന്നവര്ക്ക് നല്കിവരുന്ന അവാര്ഡാണ്. കേരളത്തിന് ആദ്യമായാണ് ഈ അവാര്ഡ് ലഭിക്കുന്നത്.
2020ല് ഐക്യരാഷ്ട്ര സഭ അവാര്ഡിനായി സര്ക്കാര് വിഭാഗത്തില് തെരഞ്ഞെടുത്ത 7 രാജ്യങ്ങള്ക്കൊപ്പമാണ് കേരളത്തിലെ ആരോഗ്യ വകുപ്പിനെ തെരഞ്ഞെടുത്തത്.
പ്രാഥമികാരോഗ്യ കേന്ദ്രങ്ങള് മുതല് എല്ലാതലം ആശുപത്രികളിലും ജീവിത ശൈലീ രോഗ നിയന്ത്രണത്തിനും ചികിത്സയ്ക്കുമായി വലിയ സേവനങ്ങളാണ് ഒരുക്കിയിരിക്കുന്നത്. കൊവിഡ് കാലത്ത് മരണനിരക്ക് വളരെയധികം കുറയ്ക്കാനായത് ജീവിത ശൈലി രോഗികളെ വളരെയധികം ശ്രദ്ധിക്കാനായത് കൊണ്ടാണണെന്നും മന്ത്രി പറഞ്ഞു. കേരളത്തിന് വലിയൊരു അംഗീകാരം നേടാന് പ്രയത്നിച്ച എല്ലാ ആരോഗ്യ പ്രവര്ത്തകര്ക്കും മന്ത്രി അഭിനന്ദനങ്ങള് അറിയിച്ചു.
പ്രതികരിക്കാൻ ഇവിടെ എഴുതുക