പാലക്കാട്: ജോസ് കെ മാണി യുഡിഎഫ് വിട്ട് എൽഡിഎഫ് പ്രവേശനം പ്രഖ്യാപിച്ചതിന് പിന്നാലെ രൂക്ഷ വിമർശനവുമായി യുഡിഎഫ് നേതാക്കൾ രംഗത്ത്. കെഎം മാണിയുടെ ആത്മാവ് ഇത് പൊറുക്കില്ലെന്ന് ഉമ്മൻ ചാണ്ടി പ്രതികരിച്ചപ്പോൾ ജോസ് കെ മാണിയെ യൂദാസ് കെ മാണിയെന്നാണ് ഷാഫി പറമ്പിൽ എംഎൽഎ കുറ്റപ്പെടുത്തിയത്.
മാണി സാർ മകന് പേരിട്ടത് ജോസ് എന്നാണ്, പ്രവർത്തി കൊണ്ട് മകൻ സ്വയം സ്വീകരിച്ചിരിക്കുന്ന പേര് യൂദാസെന്നാണ് എന്ന് ഷാഫി പറമ്പിൽ വിമർശിച്ചു. യൂദാസ് കെ മാണി ഒറ്റ് കൊടുത്തത് യുഡിഎഫിനേയും ജനങ്ങളെയും മാത്രമല്ല മാണി സാറിന്റെ പതിറ്റാണ്ടുകളുടെ പൊതുപ്രവർത്തനത്തെയുമാണെന്ന് ഫേസ്ബുക്ക് പോസ്റ്റിലൂടെ ഷാഫി പ്രതികരിച്ചു.
ഷാഫി പറമ്പിലിന്റെ ഫേസ്ബുക്ക് പോസ്റ്റ്:
മാണി സാർ മകന് പേരിട്ടത് ജോസ് എന്നാണ്. പ്രവർത്തി കൊണ്ട് മകൻ സ്വയം സ്വീകരിച്ചിരിക്കുന്ന പേര് യൂദാസ് എന്നാണ് .
യൂദാസ് കെ മാണി ഒറ്റ് കൊടുത്തത് UDF നെയും ജനങ്ങളെയും മാത്രമല്ല മാണി സാറിന്റെ പതിറ്റാണ്ടുകളുടെ പൊതുപ്രവർത്തനത്തെയാണ് .
രാജ്യസഭാ MP സ്ഥാനം രാജി വെച്ച് ധാർമ്മികത വിളമ്പണ്ട. പകരം കോട്ടയം MP സ്ഥാനവും MLA സ്ഥാനങ്ങളും രാജി വെക്കട്ടെ .
100 ശതമാനം അർഹതയുള്ള ലോകസഭാ സീറ്റ് ഒരു വാക്ക് പോലും പറയാതെ, ഒരു ചർച്ചയും കൂടാതെ നിഷേധിച്ചതുൾപ്പെടെയുള്ള രാഷ്ട്രീയ കാര്യങ്ങളാൽ മുന്നണി വിട്ട പാർട്ടിയുടെ നേതാവിന് പരനാറി എന്ന് പേരിട്ട പിണറായി വിജയൻ , ലോകസഭാ മെമ്പർ ആയിരിക്കുമ്പോൾ കാലാവധി പൂർത്തിയാക്കാതെ രാജി വെച്ച് രാജ്യസഭാ സീറ്റ് കൊടുത്ത മുന്നണിയെ വഞ്ചിച്ച് കാല് മാറിയയാളെ എന്ത് പേരിട്ട് വിളിക്കുമെന്ന് അറിയാൻ കേരളത്തിന് താല്പര്യമുണ്ട് .
സ്വന്തം വകയായി 500 ക സംഭാവന ചെയ്ത ആഷിക്ക് അബുവും DYFI യുമൊക്കെ അടുത്ത LDF യോഗത്തിന് മുൻപെ അത് ജോസിൽ നിന്ന് തിരിച്ച് വാങ്ങാൻ മറക്കണ്ട .
ബാർ കോഴ എന്നും പറഞ്ഞ് സമരം നടത്തിയ DYFI ക്കാർക്ക് നഷ്ടപരിഹാരം കൊടുക്കാം .
https://www.facebook.com/shafiparambilmla/posts/3508152565888351?__cft__[0]=AZUTcV1B3GbqgTk8nrUfwR42l9m4l4PHphNZCWTRUL9c2q-ElhJQ0kz7ntdfCR5rBEkZsnzMxKt8gBFJjzyWDszJvV8QoicbE1Z4S-yn7wuNESaMTL16m_q-YmJFufjEmzJzDWne3_w9ICgG_CK3FjllGt_5sj1MW8Q8Ko9HOUcfxjw-FPCFfUjygqU7FkilAqA&__tn__=%2CO%2CP-R
പ്രതികരിക്കാൻ ഇവിടെ എഴുതുക