ആശുപത്രി അധികൃതര് കൊവിഡ് രോഗിയുടെ മൃതദേഹമില്ലാതെ പെട്ടി കുടുംബത്തിന് കൈമാറി. കൊച്ചിയിലെ ആസ്റ്റര് മെഡിസിറ്റി ആശുപത്രിയിലാണ് സംഭവം. കോതാട് സ്വദേശി പ്രിന്സ് സിമേന്തിയുടെ മൃതദേഹം ബന്ധുക്കള്ക്ക് വിട്ടു നല്കുന്നതിനിടെയാണ് ഈ അനാസ്ഥ.
സംസ്കാരത്തിനായി മൃതദേഹമില്ലാത്ത പെട്ടിയാണ് ബന്ധുക്കള് പള്ളി സെമിത്തേരിയിലെത്തിച്ചത്. പള്ളി സെമിത്തേരിയില് എത്തിച്ച ശേഷമാണ് മൃതദേഹം പെട്ടിയിലില്ലെന്ന് ബന്ധുക്കള്ക്ക് മനസ്സിലായത്.
കഴിഞ്ഞ ദിവസമാണ് പ്രിന്സ് മരിച്ചത്. മരണശേഷമുള്ള പരിശോധനയിലാണ് ഇദ്ദേഹത്തിന് കൊവിഡ് സ്ഥിരീകരിച്ചത്. മൃതദേഹം കൈമാറ്റം ചെയ്ത സമയത്തുണ്ടായ ആശയക്കുഴപ്പമാണ് ഇതിനു കാരണമെന്നാണ് ആശുപത്രി അധികൃതരുടെ വിശദീകരണം.
പ്രതികരിക്കാൻ ഇവിടെ എഴുതുക