Home BUSINESS വിവരങ്ങൾ ചോർന്നു; നോക്കിയ 5.4 ഉടനെത്തുമെന്ന് സൂചന

വിവരങ്ങൾ ചോർന്നു; നോക്കിയ 5.4 ഉടനെത്തുമെന്ന് സൂചന

നോക്കിയ 5.3 പുറത്തിറങ്ങിയിട്ട് മാസങ്ങൾ ആയില്ല. അപ്പോഴേക്കും ഈ സ്മാർട്ട് ഫോണിന് പിൻഗാമിയായി മറ്റൊരു ഫോൺ കൂടി നോക്കിയ കുടുംബത്തിൽ നിന്ന് വരുകയാണ്. തീർച്ചയായും നോക്കിയ 5.4 തന്നെയാണ് അത്. ഫോൺ പുറത്ത് ഇറങ്ങുന്നതിൻ്റെ മുൻപ് തന്നെ ഫോണിൻ്റെ വിശദാംശങ്ങൾ ഓൺലൈൻ മാധ്യമങ്ങൾ പുറത്തുവിട്ടുണ്ട്. നോക്കിയ ബ്രാൻഡ് എച്ച് എം ഡി ഗ്ലോബൽ ഏറ്റെടുത്തതിനു ശേഷം ഇന്ത്യയിൽ ആദ്യമായി പുറത്തിറക്കിയ ഫോൺ നോക്കിയ 5.3 ആയിരുന്നു.

ഡിസ്പ്ലേ

നോക്കിയയുടെ വിവരങ്ങൾ ചോർത്തുന്ന കാര്യത്തിൽ പേരുകേട്ട നോക്കിയ പവർ യൂസർ (Nokiapoweruser) പുറത്തുവിട്ട റിപ്പോർട്ട് പ്രകാരം, പ്രതീക്ഷിച്ചതിലും വേഗത്തിൽ നോക്കിയ 5.4 എത്തും. നോക്കിയ 5.3ൽ നിന്ന് 5.4 എത്രത്തോളം വിത്യസ്തമാകുമെന്ന കാര്യം റിപ്പോർട്ടിൽ പരാമർശിക്കുന്നില്ല. എന്നാൽ ചില കാര്യങ്ങൾ 5.3ന് സമാനമായിരിക്കും. 6.4 ഇഞ്ച് വലുപ്പമുള്ള പഞ്ച്-ഹോൾ ഡിസ്പ്ലേ ആയിരിക്കും നോക്കിയ 5.4ന്. റിപ്പോർട്ടുകൾ വിശ്വാസ യോഗ്യമാണെങ്കിൽ നോക്കിയ 5.3യേക്കാൾ ചെറിയ ഡിസ്പ്ലേ ആയിരിക്കും പുതിയ ഫോണിന്. 6.55 ഇഞ്ച് ഡിസ്പ്ലേ ആണ് 5.3ന് ഉണ്ടായിരുന്നത്.

റീഫ്രെഷ് റേറ്റ്

നോക്കിയ 5.4 ഡിസ്‌പ്ലേയിൽ 90 ഹെർട്സ് റീഫ്രെഷ് റേറ്റ് ഉണ്ടാകുമോയെന്ന കാര്യവും വ്യക്തമല്ല. എച്ച്എംഡി ഗ്ലോബൽ അതിന്റെ സ്മാർട്ട്‌ഫോണുകളുടെ ഡിസ്‌പ്ലേകളിൽ ഉയർന്ന റിഫ്രെഷ് റേറ്റ് കൊണ്ടുവരുന്നതിൽ പിന്നോക്കമാണ്. സാങ്കേതിക വിദ്യയുടെ കാര്യത്തിലും 5.4ൽ നിന്ന് കൂടുതലൊന്നും പ്രതീക്ഷിക്കേണ്ടന്നാണ് വിവരം

സ്റ്റോറേജ്

നോക്കിയ 5.4 രണ്ട് കോൺഫിഗറേഷനുകളിലായിരിക്കും ലഭ്യമാകുക. രണ്ട് മോഡലുകളിലും 4 ജിബി റാം ആയിരിക്കും . 64 ജിബി, 128 ജിബി എന്നിങ്ങനെ രണ്ട് വ്യത്യസ്ത സ്റ്റോറേജുകളിൽ ഫോൺ ലഭ്യമാണ്.

ക്യാമറ

കുറച്ചു കൂടി മികച്ച ക്യാമറ നോക്കിയ 5.4ൽ ഉണ്ടാകുമെന്നാണ് പ്രതീക്ഷ. സെൻസറുകളുടെ എണ്ണം നാല് ആകാനാണ് സാധ്യത. 13 എംപിയുള്ള പ്രധാന ക്യാമറ, 5 എംപിയുള്ള സെക്കൻഡറി ക്യാമറ, രണ്ട് 2 എംപി ക്യാമറ എന്നിവയായിരുന്നു നോക്കിയ 5.3യുടെ ക്യാമറ. മികച്ച സെൽഫിയെടുക്കാനായി പിൻവശത്ത് 8 എംപി ക്യാമറയുമുണ്ട്.

Also Read :  സ്കൂളിൽ ഒന്നിച്ചു പഠിച്ച വനിതകളുടെ വിനോദ യാത്രാസംഘത്തിന്റെ മിനിബസിലേക്കു മണൽ ലോറി ഇടിച്ചുകയറി , 12 പേരും ഡ്രൈവറും മരിച്ചു