Home COVID 19 വിറ്റാമിൻ ഡി കോവിഡിനെ പ്രതിരോധിക്കുമോ?

വിറ്റാമിൻ ഡി കോവിഡിനെ പ്രതിരോധിക്കുമോ?

വിറ്റാമിൻ ഡിക്ക് കോവിഡിനെ പ്രതിരോധിക്കാൻ കഴിയുമൊ? ഇത് സംബ‌ന്ധിച്ച് നിരവധി പഠനങ്ങളാണ് ഇതിനോടകം തന്നെ നടന്നിട്ടുള്ളതെങ്കിലും വിറ്റാമിൻ ഡി കോവിഡിനെ ചെറുക്കാൻ ഫലപ്രദമാണെ‌ന്ന് ഇതുവരെ തെളിയിക്കാൻ കഴിഞ്ഞിട്ടില്ല.

സെപ്റ്റംബർ 3 ന് JAMA Network Open ജേണലിൽ പ്രസിദ്ധീകരിച്ച ഒരു പഠനത്തിൽ പറയുന്നത് വിറ്റാമിൻ ഡിയുടെ കുറവുള്ള ആളുകളിൽ കൊറോണ വൈറസ് അണുബാധ ഉണ്ടാകാനുള്ള സാധ്യത വിറ്റാമിൻ മതിയായ അളവിലുള്ള ആളുകളെ അപേക്ഷിച്ച് രണ്ട് മടങ്ങ് കൂടുതലാണെന്നാണ്.

ഒക്ടോബർ 27 ന് ജേണൽ ഓഫ് ക്ലിനിക്കൽ എൻ‌ഡോക്രൈനോളജി & മെറ്റബോളിസത്തിൽ പ്രസിദ്ധീകരിച്ച മറ്റൊരു പഠനത്തിൽ, ആശുപത്രിയിൽ പ്രവേശിപ്പിച്ച കോവിഡ് -19 രോഗികൾക്ക് കോവിഡ് -19 ഇല്ലാത്ത ആളുകളേക്കാൾ വിറ്റാമിൻ ഡിയുടെ അളവ് കുറവായിരുന്നു എന്ന് കണ്ടെത്തിയതായി പറയുന്നു.

എന്നിരുന്നാലും വിറ്റാമിൻ ഡി കോവിഡിനെ ചെറുക്കുമെന്ന് തെളിയിക്കാൻ പര്യാപ്തമല്ലെന്നും അങ്ങനെയാണെങ്കിൽ തന്നെ കോവിഡിനെ പ്രതിരോധിക്കാൻ മറ്റു ഘടകങ്ങളും പങ്കുവഹിക്കുന്നുണ്ടാകാമെന്നും ആണ് ഗവേഷകർ പറയുന്നത്. വിറ്റാമിൻ ഡി കഴിക്കുന്നത് കോവിഡ് -19 അപകടസാധ്യതയോ തീവ്രതയോ കുറയ്ക്കാൻ സഹായകരമാകുന്നുണ്ടോ എന്ന് പഠിക്കാൻ ബ്രിട്ടനിൽ പരീക്ഷണങ്ങൾ നടന്നു വരികയാണ്.

അതേസമയം, വിറ്റാമിൻ ഡി അടങ്ങിയ ഭക്ഷണം എന്തുകൊണ്ടും ആരോഗ്യപ്രദമാണ്. കാരണം വിറ്റാമിൻ ഡി അസ്ഥിക്കും പേശിക്കും നല്ലതാണ്.

അന്ധഗായകനായി പൃഥ്വിരാജ്? ‘അന്ധാദുന്‍’ മലയാളത്തിലേക്ക്

അതുപോലെ തന്നെ കോവിഡിനെ ചെറുക്കാൻ കഴിയുമെന്ന് തെളിയിക്കപ്പെട്ടില്ലെങ്കിലും കോവിഡിനെതിരായ പോരാട്ടത്തിൽ വിറ്റാമിൻ ഡിയുടെ ഉപയോഗം ഫലം ചെയ്യുമെന്ന് തന്നെയാണ് ഗവേഷകർ പറയുന്നത്.

എന്നിരുന്നാലും വിറ്റാമിൻ ഡിയുടെ ഉയർന്ന ഡോസുകൾ ആവശ്യമില്ലെ‌ന്ന് ഗവേഷകർ വ്യക്തമാക്കുന്നു.

പലതരത്തിലുള്ള രോഗപ്രതിരോധ ശേഷി വർദ്ധിപ്പിക്കാൻ വിറ്റാമിൻ ഡി ഫലപ്രദമാണെന്ന് നേരത്തെ തന്നെ തെളിയിക്കപ്പെട്ടിട്ടുള്ളതാണ്. കോവിഡിന്റെ കാര്യത്തിൽ ഇനിയും പഠനങ്ങൾ വരേണ്ടതുണ്ട്.

Also Read :  ഇനി തെളിനീരൊഴുകും.... പെരുമ്പ, കുപ്പം, രാമപുരം പുഴകള്‍ കിഡ്ക് പദ്ധതിയില്‍