ശബരിമലയിലെ തീര്ത്ഥാടകരുടെ എണ്ണം കൂട്ടി. പ്രതിദിനം രണ്ടായിരം പേര്ക്കുവരെ ദര്ശനം അനുവദിക്കും. നിലവില് പ്രതിദിനം ആയിരം തീര്ത്ഥാടകരെയാണ് അനുവദിക്കുന്നത്. ശനി,ഞായര് ദിവസങ്ങളില് മൂവായിരം പേര്ക്കും പ്രവേശനത്തിന് അനുമതിയുണ്ട്. കൊവിഡിനെ തുടര്ന്ന് ശബരിമല ദര്ശനത്തിന് ഇക്കുറി കനത്ത നിയന്ത്രണങ്ങളാണ് ഏര്പ്പെടുത്തിയിരുന്നത്.
ശബരിമല വനമേഖലയില് താമസിക്കുന്ന മലയരയ വിഭാഗക്കാര്ക്ക് കാനനപാതയിലൂടെ ശബരിമലയില് എത്തി ദര്ശനം നടത്താന് വനംവകുപ്പ് അനുമതി നല്കി. മലയരയ വിഭാഗത്തില്പ്പെട്ടവര്ക്ക് മാത്രമാണ് കാനനപാത ഉപയോഗിക്കാനുള്ള അനുമതി നല്കിയിരിക്കുന്നത്. മലയര സമൂഹത്തിന്റെ പ്രത്യേക അഭ്യര്ത്ഥ കണക്കിലെടുത്താണ് സര്ക്കാരിന്റെ തീരുമാനമെന്ന് വനംമന്ത്രി കെ.രാജു പറഞ്ഞു.
അതേസമയം ശബരിമലയില് ഇതുവരെ 13529 പേര് ദര്ശനം നടത്തി. നിലക്കലില് നടത്തിയ പരിശോധനയില് ഇതുവരെ 37 പേര് കൊവിഡ് പോസിറ്റീവ് ആയി. സന്നിധാനത്ത് ദര്ശനം നടത്തി മടങ്ങിയ ഒരു ഭക്തനും കൊവിഡ് പോസിറ്റീവ് ആയതായി റിപ്പോര്ട്ട് ഇല്ലെന്നും കൊവിഡ് പ്രോട്ടോകോള് ലംഘിക്കുന്ന ദേവസ്വം ജീവക്കാര്ക്ക് എതിരെ കര്ശന നടപടി എടുക്കുമെന്നും എന് വാസു മാധ്യമങ്ങളോട് പറഞ്ഞു.
പ്രതികരിക്കാൻ ഇവിടെ എഴുതുക