Home INTERNATIONAL ആദ്യം മകളെ പ്രണയിച്ചു, പിന്നീട് അച്ഛനെയും; ഒടുവില്‍ അച്ഛനും മുൻ കാമുകനും ഒരു കുഞ്ഞിക്കാൽ കാണാൻ...

ആദ്യം മകളെ പ്രണയിച്ചു, പിന്നീട് അച്ഛനെയും; ഒടുവില്‍ അച്ഛനും മുൻ കാമുകനും ഒരു കുഞ്ഞിക്കാൽ കാണാൻ സ്വന്തം അണ്ഡം നൽകാൻ തയ്യാറായി യുവതി !

അച്ഛനും മുൻ കാമുകനും ഒരു കുഞ്ഞിക്കാൽ കാണാൻ സ്വന്തം അണ്ഡം നൽകാൻ തയ്യാറായി യുവതി. സാഫ്രോൺ എന്ന യുവതിയാണ് അസാധാരണ തീരുമാനവുമായി രംഗത്തെത്തിയിരിക്കുന്നത്. സാഫ്രോണിന്റെ മുൻ കാമുകനും അച്ഛനും ഇപ്പോൾ പ്രണയത്തിലാണ്. ഇവർക്ക് കുഞ്ഞ് ജനിക്കാനാണ് യുവതി അണ്ഡം നൽകുന്നത്.

ബാരി ഡ്രെവിറ്റ് ആണ് സാഫ്രോണിന്റെ പിതാവ്. അമ്പത് വയസ്സുള്ള ഡ്രെവിറ്റ് മകളുടെ മുൻ കാമുകനായ 25 കാരൻ സ്കോട്ട് ഹച്ചിൻസണിനൊപ്പമാണ് ഇപ്പോൾ കഴിയുന്നത്. ഫ്ളോറിയഡയിൽ കഴിയുന്ന ബാരിയും സ്കോട്ടും നേരത്തേ വാടക ഗർഭപാത്രത്തിലൂടെ ഒരു പെൺകുഞ്ഞിന്റെ രക്ഷിതാക്കളായിരുന്നു. വാലന്റീന എന്നാണ് മകളുടെ പേര്. ഒരു കുഞ്ഞ് കൂടി വേണമെന്ന ആഗ്രഹമാണ് മകളെ സഹായത്തിന് പ്രേരിപ്പിച്ചത്.

ബാരിയുടെ ആദ്യ ബന്ധത്തിലെ മകളാണ് സാഫ്രോൺ. 1999 ലാണ് ബാരി ആദ്യമായി വാർത്തകളിൽ ഇടംപിടിക്കുന്നത്. ബ്രിട്ടനിലെ ആദ്യ സ്വവർഗ വിവാഹമായിരുന്നു ബാരിയും ബാർലോയും തമ്മിൽ നടന്നത്. വാടക ഗർഭപാത്രത്തിലൂടെ ഇവർക്ക് ഇരട്ടകുഞ്ഞുങ്ങൾ ജനിച്ചതും വാർത്തയായിരുന്നു. എന്നാൽ പിന്നീട് വേർപിരിഞ്ഞു.

ബൈസെക്ഷ്വൽ ആയ സ്കോട്ടുമായി സാഫ്രോൺ അൽപ്പ നാൾ പ്രണയത്തിലായിരുന്നു. എന്നാൽ സാഫ്രോണിന്റെ അച്ഛനുമായി സ്കോട്ട് പിന്നീട് പ്രണയത്തിലാകുകയായിരുന്നു.

മുൻ കാമുകനും അച്ഛനും കുഞ്ഞ് ജനിക്കാനായി സ്വന്തം അണ്ഡം നൽകുന്നതിനെ കുറിച്ച് സാഫ്രോൺ പറയുന്നതിങ്ങനെ, “വാലന്റീനയെ എനിക്ക് ഒരുപാട് ഇഷ്ടമാണ്. അച്ഛനും സ്കോട്ടിനും കൂടുതൽ കുഞ്ഞുങ്ങളെ നൽകാൻ ഞാൻ ഒരുക്കമാണ്”.

എന്നാൽ തന്റെ ഐഡിയ അച്ഛന് അത്ര ഇഷ്ടമായിട്ടില്ലെന്നും സാഫ്രോൺ പറയുന്നു. കാരണം കുഞ്ഞിന്റെ ബയോളജിക്കൽ മുത്തശ്ശനായിരിക്കും ബാരി. സ്കോട്ട് അച്ഛനും. പക്ഷേ തനിക്ക് ശരിക്കും അവരെ സഹായിക്കണമെന്നുണ്ട്.

യൂട്യൂബ് വീഡിയോയ്ക്ക് വേണ്ടി കാമുകിയെ കൊടും തണുപ്പിൽ നിർത്തി; കൊടുക്കേണ്ടി വന്നത് ഒരു ജീവന്റെ വില

ഇരുവർക്കും വേണ്ടി അണ്ഡം ശീതീകരിച്ച് സൂക്ഷിച്ച് വെച്ചിരിക്കുകയാണ് യുവതി. ഇനി അച്ഛനും സ്കോട്ടും സമ്മതം മൂളിയാൽ മാത്രം മതി.

സ്കോട്ടിനെ കുറിച്ച് നല്ലത് മാത്രമാണ് സാഫ്രോണിന് പറയാനുള്ളത്. വളരെ നല്ല വ്യക്തിയാണ് സ്കോട്ട്. തന്റെ സുഹൃത്തുക്കളെല്ലാം അദ്ദേഹത്തിന്റെ ആരാധകരായിരുന്നു. പക്ഷേ, സുഹൃത്തുക്കളായിരിക്കുമ്പോഴാണ് ഞങ്ങൾ തമ്മിലുള്ള ബന്ധം കൂടുതൽ മനോഹരമായത്.

ആദ്യ കുഞ്ഞ് ജനിച്ചതിന്റെ വിശേഷങ്ങളെല്ലാം ബാരി സോഷ്യൽമീഡിയയിലൂടെ പങ്കുവെച്ചിരുന്നു. നാൽപ്പതിനായിരം ഫോളോവേഴ്സാണ് ബാരിക്ക് ഇൻസ്റ്റഗ്രാമിലുള്ളത്.

Also Read :   ട്വിറ്ററില്‍ റെക്കോർഡ് നേട്ടവുമായി നരേന്ദ്ര മോദി