കോണ്ഗ്രസ് നേതൃത്വത്തില് ആര് വരണമെന്ന് ലീഗ് നിര്ദ്ദേശിക്കുന്നുവെന്ന മുഖ്യമന്ത്രി പിണറായി വിജയന്റെ പ്രസ്താവനയ്ക്കെതിരെ വിമര്ശനവുമായി പ്രതിപക്ഷ നേതാവ് രമേശ് ചെന്നിത്തല.
പച്ച വര്ഗീയതയാണ് കേരള മുഖ്യമന്ത്രി പിണറായി വിജയന് പറയുന്നതെന്നാണ് ചെന്നിത്തലയുടെ വിമര്ശനം. ഫേസ്ബുക്ക് പോസ്റ്റിലൂടെയായിരുന്നു അദ്ദേഹത്തിന്റെ പ്രതികരണം.
‘ശബരിമലയുമായി ബന്ധപ്പെട്ട വിഷയത്തില് വിശ്വാസികളെ അപമാനിച്ച വിജയന് ഇപ്പോള് മുസ്ലിം ലീഗിനെയും കോണ്ഗ്രസിനെയും പഴിക്കുന്നത് എന്തു ലക്ഷ്യം മുന്നില് കണ്ടാണെന്ന് മനസിലാക്കാന് കേരളത്തിലെ ജനങ്ങള്ക്ക് കഴിയുമെന്ന് ചെന്നിത്തല പറഞ്ഞു.
‘ബി.ജെ.പിയാണ് മുഖ്യ പ്രതിപക്ഷം എന്ന് പിണറായി വരുത്തിത്തീര്ക്കുന്നത് നിക്ഷിപ്ത താല്പര്യം മുന്നില് നിര്ത്തിയാണ്. യു.ഡി.എഫിനെ അപ്രസക്തമാക്കി ബി.ജെ.പിയെ വളര്ത്താനുള്ള ഒരുതന്ത്രമാണ് സി.പി.എം സ്വീകരിച്ചു കൊണ്ടിരിക്കുന്നത്. അത് ഇപ്പോള് തുടങ്ങിയതല്ല, ശബരിമല പ്രശ്നം ഉണ്ടായപ്പോള് മുതല് തുടങ്ങിയതാണ്. ബി.ജെപിയെ വളര്ത്താനും, ബി.ജെ.പിയെ മുഖ്യപ്രതിപക്ഷമാക്കി മാറ്റാനും കേരളത്തിലെ മുഖ്യമന്ത്രി കിണഞ്ഞു പരിശ്രമിക്കുകയാണ്. ഇതൊന്നും കേരളത്തില് വിജയിക്കുകയില്ല’, ചെന്നിത്തല ഫേസ്ബുക്കിലെഴുതി.
ഫേസ്ബുക്ക് പോസ്റ്റിന്റെ പൂര്ണ്ണരൂപം:
പച്ച വര്ഗീയതയാണ് കേരള മുഖ്യമന്ത്രി പിണറായി വിജയന് പറയുന്നത്.ശബരിമലയുമായി ബന്ധപ്പെട്ട വിഷയത്തില് വിശ്വാസികളെ അപമാനിച്ച വിജയന് ഇപ്പോള് മുസ്ലിം ലീഗിനെയും കോണ്ഗ്രസിനെയും പഴിക്കുന്നത് എന്തു ലക്ഷ്യം മുന്നില് കണ്ടാണെന്ന് മനസിലാക്കാന് കേരളത്തിലെ ജനങ്ങള്ക്ക് കഴിയും.
ബി.ജെ.പിയാണ് മുഖ്യ പ്രതിപക്ഷം എന്ന് പിണറായി വരുത്തിത്തീര്ക്കുന്നത് നിക്ഷിപ്ത താല്പര്യം മുന്നില് നിര്ത്തിയാണ്. യു.ഡി.എഫിനെ അപ്രസക്തമാക്കി ബി.ജെ.പിയെ വളര്ത്താനുള്ള ഒരുതന്ത്രമാണ് സി.പി.ഐ.എം സ്വീകരിച്ചു കൊണ്ടിരിക്കുന്നത്. അത് ഇപ്പോള് തുടങ്ങിയതല്ല, ശബരിമല പ്രശ്നം ഉണ്ടായപ്പോള് മുതല് തുടങ്ങിയതാണ്. ബി.ജെ.പിയെ വളര്ത്താനും, ബി.ജെ.പിയെ മുഖ്യപ്രതിപക്ഷമാക്കി മാറ്റാനും കേരളത്തിലെ മുഖ്യമന്ത്രി കിണഞ്ഞു പരിശ്രമിക്കുകയാണ്. ഇതൊന്നും കേരളത്തില് വിജയിക്കുകയില്ല.
പിണറായി വിജയന്റെയും സി.പി.ഐ.എമ്മിന്റെയും വര്ഗീയ പ്രചാരണങ്ങള് കേരള ജനത തള്ളിക്കളയും.
പ്രതികരിക്കാൻ ഇവിടെ എഴുതുക