Home LATEST NEWS കയ്യില്‍ നിന്നും വഴുതിപ്പോയ ഡയലോഗ്, സച്ചിക്കൊപ്പം പൊട്ടിച്ചിരിച്ച് അനില്‍; വേദനയായി വീഡിയോ

കയ്യില്‍ നിന്നും വഴുതിപ്പോയ ഡയലോഗ്, സച്ചിക്കൊപ്പം പൊട്ടിച്ചിരിച്ച് അനില്‍; വേദനയായി വീഡിയോ

അനില്‍ പി. നെടുമങ്ങാടിന്റെ അപ്രതീക്ഷിത വിയോഗത്തില്‍ വിറങ്ങലിച്ചിരിക്കുകയാണ് സിനിമാലോകവും ആരാധകരും. ഏഴ് വര്‍ഷമായി സിനിമാരംഗത്തുണ്ടെങ്കിലും അനിലിനെ ജനപ്രിയനാക്കിയത് അയ്യപ്പനും കോശിയും ചിത്രത്തിലെ പൊലീസ് വേഷമാണ് താരത്തെ ഏറെ ശ്രദ്ധേയനാക്കിയത്. അയ്യപ്പനും കോശിയും ചിത്രീകരണ വേളയിലെ രസകരമായ നിമിഷങ്ങള്‍ ഉള്‍പ്പെടുത്തിയ വീഡിയോയാണ് ശ്രദ്ധേയമാകുന്നത്.

കോശിയുടെ കഴുത്തില്‍ കുത്തിപ്പിടിച്ച് ഡയലോഗ് പറയുന്ന എസ്‌ഐ സതീഷിനെയും ഒടുവില്‍ വാക്കുകള്‍ വഴുതിപ്പോയി ചിരിക്കുന്നതും വീഡിയോയില്‍ കാണാം. അയ്യപ്പന്‍ സല്യൂട്ട് ചെയ്ത് വരുമ്പോഴും അനിലിന്റെ മുഖത്ത് ചിരി കാണാം. സംവിധായകന്‍ സച്ചിക്കൊപ്പം ഷോട്ടുകള്‍ ചിരിച്ചു കൊണ്ട് കാണുന്നതും വീഡിയോയിലുണ്ട്.

അയ്യപ്പനും കോശിയും അണിയറപ്രവര്‍ത്തകരാണ് വീഡിയോ പങ്കുവച്ചിരിക്കുന്നത്. ഒരുപാട് കഥാപാത്രങ്ങള്‍ ബാക്കി വച്ച് മാഞ്ഞു പോയ താരത്തിന്റെ ചിരി മുഹൂര്‍ത്തങ്ങള്‍ നോവാവുകയാണ്. ജോജു ജോര്‍ജ് ചിത്രം പീസിന്റെ ഷൂട്ടിംഗിനായാണ് അനില്‍ തൊടുപുഴയില്‍ എത്തിയത്.

ഷൂട്ടിങ് ഇടവേളയില്‍ സുഹൃത്തുക്കള്‍ക്കൊപ്പം ജലാശയത്തില്‍ കുളിക്കാനിറങ്ങിയ താരം ആഴമുള്ള കയത്തിലേക്ക് അബദ്ധത്തില്‍ വീണു പോവുകയായിരുന്നു. മമ്മൂട്ടി നായകനായ തസ്‌കരവീരന്‍ എന്ന ചിത്രത്തിലൂടെയാണ് അനില്‍ അഭിനയം ആരംഭിച്ചത്.

 

https://www.facebook.com/100003288279999/videos/3633520316767542/

 

Also Read :   ഭൂവിതരണ ഡാഷ് ബോര്‍ഡ് ഉണ്ടാക്കും ഭൂമിയുടെ അവകാശം നല്‍കാന്‍ സ്‌പെഷ്യല്‍ ഡ്രൈവ് നടത്തും: റവന്യുമന്ത്രി