സെറം ഇന്സ്റ്റിറ്റ്യൂട്ട് ഓഫ് ഇന്ത്യയില് നിന്നുള്ള കൊവിഷീല്ഡ് വാക്സിനുകൾ സംസ്ഥാനത്തെത്തിക്കുമെന്ന് കേന്ദ്രം ഔദ്യോഗികമായി അറിയിച്ചതായി ആരോഗ്യ വകുപ്പ് മന്ത്രി കെ കെ ശൈലജ. 4,33,500 ഡോസ് വാക്സിനാണു ആദ്യഘട്ടമായി സംസ്ഥാനത്തെത്തുക. തിരുവനന്തപുരത്ത് 1,34,000 ഡോസും എറണാകുളത്ത് 1,80,000 ഡോസും കോഴിക്കോട്ട് 1,19,500 ഡോസും വാക്സിനുകളാണ് എത്തിക്കുന്നത്. വാക്സിന് എത്തിയാല് നിശ്ചയിക്കപ്പെട്ട കേന്ദ്രങ്ങളില് എത്തിക്കുന്നതിന് പ്രത്യേക സംവിധാനങ്ങള് ഏര്പ്പെടുത്തിയിട്ടുണ്ട്.
നെടുമ്പാശേരി വിമാനത്താവളത്തില് ഉച്ചയ്ക്ക് രണ്ട് മണിയോടെ വാക്സിനുമായുള്ള ആദ്യ വിമാനം പറന്നിറങ്ങും. എല്ലാ ജില്ലകളിലും സംഭരണ കേന്ദ്രങ്ങളുണ്ട്. അവിടെ നിന്ന് സ്റ്റോറേജ് ബോക്സുകളില് ആശുപത്രികളിലെത്തിച്ചാണ് വാക്സിന് നല്കുക. സംസ്ഥാനത്ത് ആദ്യഘട്ടമായി 133 കേന്ദ്രങ്ങളിലാണ് ശനിയാഴ്ച വാക്സിനേഷന് നടക്കുന്നത്.
പ്രതികരിക്കാൻ ഇവിടെ എഴുതുക