ക്രിസ്മസ്-പുതുവത്സര ബമ്പര് ഭാഗ്യക്കുറിയുടെ ഭാഗ്യശാലിയെ ഇന്നറിയാം. ഞായറാഴ്ച ഉച്ചയ്ക്ക് രണ്ട് മണിക്ക് തിരുവനന്തപുരം ഗോര്ഖി ഭവനില് വച്ചാണ് നറുക്കെടുപ്പ്. 12 കോടി രൂപയാണ് ബമ്പറിന്റെ ഒന്നാം സമ്മാനം. തിരുവനന്തപുരം മേയര് ആര്യ രാജേന്ദ്രനാണ് നറുക്കെടുക്കുക. അച്ചടിച്ച 33 ലക്ഷം ടിക്കറ്റുകളും വിറ്റഴിഞ്ഞു. മുന് വര്ഷം 36.84 ലക്ഷം ടിക്കറ്റുകളാണ് വിറ്റത്.
ജനുവരി 17ന് നറുക്കെടുക്കുന്ന ഭാഗ്യക്കുറിയുടെ ടിക്കറ്റ് വില 300 രൂപയാണ്. തഅ, തആ, തഇ, തഉ, തഋ, തഏ എന്നീ അഞ്ചു സീരീസുകളിലാണ് ടിക്കറ്റ് പുറത്തിറക്കിയിട്ടുളളത്. രണ്ടാം സമ്മാനം 6 പേര്ക്ക് 50 ലക്ഷം വീതം നല്കും (മൊത്തം 3 കോടി രൂപ). മൂന്നാം സമ്മാനമായി 10 ലക്ഷം വീതം 6 പേര്ക്കും നാലാം സമ്മാനം 5 ലക്ഷം വീതം 6 പേര്ക്കും നല്കും. അഞ്ചാം സമ്മാനം ഒരു ലക്ഷം രൂപ വീതം 108 പേര്ക്ക് ലഭിക്കും.
ഇതുകൂടാതെ 5000, 3000, 2000, 1000 എന്നിങ്ങനെ നിരവധി സമ്മാനങ്ങള് വേറെയുമുണ്ട്. 6 പരമ്പരകളിലായി വില്പനയ്ക്ക് അനുസൃതമായി പരമാവധി 54 ലക്ഷം ടിക്കറ്റുകള് വരെ ലോട്ടറി വകുപ്പിന് അച്ചടിക്കാം. കഴിഞ്ഞ വര്ഷം കണ്ണൂര് പുരളിമല കുറിച്യ കോളനിയിലെ പൊരുന്നോന് രാജനാണ് ഒന്നാം സമ്മാനമായ 12 കോടി രൂപ സ്വന്തമാക്കിയത്.
പ്രതികരിക്കാൻ ഇവിടെ എഴുതുക