രാജ്യത്തെ കത്തോലിക്ക സഭാധ്യക്ഷന്മാരും പ്രധാനമന്ത്രി നരേന്ദ്ര മോദിയും ഇന്ന് കൂടിക്കാഴ്ച നടത്തും. ഫ്രാന്സിസ് മാര്പാപ്പയെ ഇന്ത്യാ സന്ദര്ശനത്തിനായി കേന്ദ്ര സര്ക്കാര് ഔദ്യോഗികമായി ക്ഷണിക്കണമെന്ന് കത്തോലിക്ക സഭാ നേതൃത്വം പ്രധാനമന്ത്രിയോട് ആവശ്യപ്പെടുമെന്നാണ് വിവരം. ന്യൂനപക്ഷ അവകാശ വിഷയങ്ങളും ക്രൈസ്തവ സഭകള് നേരിടുന്ന പ്രശ്നങ്ങളും സഭാ തലവന്മാര് പ്രധാനമന്ത്രിയെ അറിയിക്കും.
ചൈന ഇന്ത്യൻ അതിർത്തി വീണ്ടും ലംഘിച്ചതായി റിപ്പോർട്ട്
മലങ്കര കത്തോലിക്ക സഭ അധ്യക്ഷന് കര്ദ്ദിനാള് ബസേലിയോസ് ക്ലീമിസ് കത്തോലിക്ക ബാവ, സിബിസിഐ തലവനും ബോംബെ ലത്തീന് അതിരൂപത അധ്യക്ഷനുമായ കര്ദ്ദിനാള് ഓസ്വാള്ഡ് ഗ്രേഷ്യസ്, കെസിബിസി പ്രസിഡന്റും സീറോ മലബാര് സഭ മേജര് ആര്ച്ച് ബിഷപ്പുമായ കര്ദ്ദിനാള് മാര് ജോര്ജ് ആലഞ്ചേരി എന്നിവരാണ് ഇന്ന് പ്രധാനമന്ത്രിയുമായി കൂടിക്കാഴ്ച നടത്തുക. മിസോറം ഗവര്ണര് പി.എസ്. ശ്രീധരന്പിള്ള മുന്കൈയ്യെടുത്താണ് കൂടിക്കാഴ്ചയ്ക്ക് വഴി ഒരുക്കിയതെങ്കിലും ക്വാറന്റീനിലായതിനാല് അദ്ദേഹം ചര്ച്ചയില് പങ്കെടുക്കുകയില്ല.
പ്രതികരിക്കാൻ ഇവിടെ എഴുതുക