താരങ്ങൾ വൃക്ഷതൈകൾ നടുന്ന ചിത്രങ്ങൾ സോഷ്യൽ മീഡിയയിൽ ട്രെൻഡിങ് ചലഞ്ച് തന്നെയായിരുന്നു. ഗ്രീൻ ഇന്ത്യ ചാലഞ്ച് ഏറ്റെടുത്ത് സിനിമാതാരങ്ങളടക്കം നിരവധിപ്പേരാണ് ഇൻസ്റ്റഗ്രാമിലും ഫേസ്ബുക്കിലുമൊക്കെ നിറഞ്ഞുനിന്നത്.
ഇപ്പോഴിതാ ഈ ചലഞ്ച് ഏറ്റെടുത്തിരിക്കുന്നത് മറ്റാരുമല്ല മലയാളികളുടെ പ്രിയങ്കരിയായ നായിക മീനയാണ്. വൃക്ഷ തൈ നടുന്നതിന്റെ ചിത്രങ്ങൾ നടി തന്റെ ഇൻസ്റ്റഗ്രാം പേജിലൂടെയാണ് പങ്കുവച്ചിരിക്കുന്നത്.
മാധ്യമ പ്രവർത്തക ദേവി നാഗവല്ലിയുടെ വെല്ലുവിളി ഏറ്റെടുത്തായിരുന്നു മീന തൈകൾ നട്ടത്. തൈകൾ നടുക മാത്രമല്ല ചലഞ്ച് ശൃംഖല തുടരാനായി ചിലരെ നോമിനേറ്റ് ചെയ്തിട്ടുമുണ്ട് മീന.
നടി മഞ്ജു വാര്യർ, കീർത്തി സുരേഷ്, വെങ്കടേഷ് ദഗുബാട്ടി, കിച്ചാ സുദീപ് എന്നിവരെയാണ് മീന വെല്ലുവിളിച്ചിരിക്കുന്നത്.
പ്രതികരിക്കാൻ ഇവിടെ എഴുതുക