കേരളം വികസിക്കാന് പാടില്ലെന്ന നിലപാടാണ് പ്രതിപക്ഷത്തിനെന്ന് എന്ന് സ്വരാജ് എംഎല്എ പറഞ്ഞു. സംഘ്പരിവാറിനൊപ്പം ചേർന്ന് കോണ്ഗ്രസ് സംസ്ഥാന സർക്കാറിനെ ബുദ്ധിമുട്ടിക്കുന്നുവെന്നും രാഷ്ട്രീയ തിമിരം ബാധിച്ച കണ്ണട പ്രതിപക്ഷം മാറ്റണമെന്നും നിയമാനുസൃതമായി മസാല ബോണ്ട് പുറപ്പെടുവിക്കാനുള്ള അധികാരം കിഫ്ബിക്കുണ്ടെന്നും ഇത് സിഎജിക്ക് മനസ്സിലായിട്ടില്ലെങ്കില് ഈ നാട് പഠിപ്പിക്കുമെന്നും സ്വരാജ് പറഞ്ഞു.
സിഎജി റിപ്പോർട്ട് വെള്ളം ചേർക്കാതെ വിഴുങ്ങാനാകില്ലെന്നും സിഎജി എഴുതിയ റിപ്പോർട്ട് ചവറ്റുകുട്ടയിലേക്ക് വലിച്ചെറിയാന് തെരഞ്ഞെടുക്കപ്പെട്ട സർക്കാറിന് അവകാശമുണ്ടെന്നും നിയമത്തിന്റെ ഭരണഘടനാ സാധുത പരിശോധിക്കേണ്ടത് കോടതികളാണ്, സിഎജിയല്ല എന്നും സ്വരാജ് വ്യക്തമാക്കി.
സംസ്ഥാനത്ത് വീണ്ടും പക്ഷിപ്പനി; സ്ഥിരീകരിച്ചത് ആലപ്പുഴയില്
യുഡിഎഫ് അംഗങ്ങള് കിഫ്ബിയെ വിമർശിച്ചവരാണ്. അവരുടെ മണ്ഡലത്തില് കിഫ്ബി പദ്ധതികള് തല ഉയർത്തി നില്ക്കുന്നുവെന്നും ഈ സർക്കാർ ജനങ്ങളുടെ ഹൃദയത്തിലാണെന്നും സംഘപരിവാറിനും സംസ്ഥാനത്തെ പ്രതിപക്ഷത്തിനും അത് സഹിക്കുന്നില്ലെന്നും കൂടാതെ അന്വേഷണ ഏജന്സികളെ ഉപയോഗിച്ച് കേന്ദ്രം സംസ്ഥാനത്തെ ബുദ്ധിമുട്ടിക്കുകയാണെന്നും സ്വരാജ് പറഞ്ഞു.
പ്രതികരിക്കാൻ ഇവിടെ എഴുതുക