പല കാരണങ്ങൾ കൊണ്ട് ചർമ്മത്തിൽ ഉണ്ടാകുന്ന ഒരു പ്രശ്നമാണ് മുഖക്കുരു . മുഖ്യമായും ചർമ്മത്തിൽ ഉള്ള സുഷിരങ്ങൾ അഴുക്കും എണ്ണമയവും കൊണ്ട് അടഞ്ഞു പോകുന്നത് മുഖക്കുരുവിന് കാരണമാകുന്നു . കൂടാതെ ശരീരത്തിൽ ഉണ്ടാകുന്ന ഹോർമോണുകളുടെ പ്രവർത്തന വ്യത്യാസം മൂലവും മുഖക്കുരു ഉണ്ടാവാം . കൗമാരപ്രായക്കാരെയും അല്പം മുതിർന്ന കുട്ടികളെയും അലട്ടുന്ന വലിയ ഒരു പ്രശ്നം തന്നെയാണ് മുഖക്കുരു . അതിനാൽ തന്നെ നമ്മുടെ ആഹാരക്രമത്തിൽ ചില ഭക്ഷണങ്ങൾ ഉൾപ്പെടുത്തുന്നതും ചില പ്രകൃതിദത്ത വിഭവങ്ങൾ ഉപയോഗിക്കുന്നതും മുഖക്കുരു വരാതിരിക്കാൻ ഒരു പരിധി വരെ സഹായിക്കും .
ദിവസവും ധാരാളം വെള്ളം കുടിക്കുക . ധാരാളം വെള്ളം കുടിക്കുന്നത് മൂലം ശരീരത്തിലെ ആന്തരികാവയങ്ങളിലേക്ക് ഓക്സിജനും പോഷകങ്ങളും വെള്ളത്തിലൂടെ എത്തുകയും , അതിനാൽ തന്നെ അവയവങ്ങൾ നന്നായി പ്രവർത്തിക്കുകയും മുഖക്കുരു വരാതിരിക്കാൻ സഹായിക്കുകയും ചെയ്യും .
ആഹാരം ഉണ്ടാക്കുമ്പോൾ ഒലിവ് എണ്ണ ഉപയോഗിക്കുകയാണെങ്കിൽ , ആഹാരത്തിന് രുചിയും അതുപോലെ തന്നെ പോഷകഗുണവും ലഭിക്കും . ഒലിവ് എണ്ണയിൽ വിറ്റാമിൻ എ, ഡി, കെ, ഇ എന്നിവ ധാരാളം അടങ്ങിയിട്ടുണ്ട് , ഇത് ചർമ്മത്തെ സംരക്ഷിക്കാൻ സഹായിക്കുന്ന ഒന്നാണ് . കൂടാതെ ഒലിവ് എണ്ണ ചർമ്മത്തിൽ പുരട്ടുന്നത് മൂലം ഒരാവരണമായി പ്രവർത്തിക്കുകയും ചർമ്മത്തിന്റെ സുഷിരങ്ങൾ അടയാതെ നോക്കുകയും ചെയ്യുന്നത് മൂലം മുഖക്കുരു വരാതെയിരിക്കാൻ സഹായിക്കുകയും ചെയ്യും .
ശരീരത്തിൽ അടിഞ്ഞു കൂടുന്ന ആസിഡ് മാലിന്യങ്ങൾ ഇല്ലാതാക്കാനും , കരളിനെ ശുദ്ധീകരിക്കാനും , രക്തത്തിലെ വിഷാംശങ്ങൾ ഇല്ലാതാക്കുന്ന എൻസൈമുകൾ ഉല്പാദിപ്പിക്കുവാനും നാരങ്ങാ നീരിന് കഴിയും . ഇങ്ങിനെ പുറംതള്ളുന്ന മാലിന്യങ്ങൾ ചർമ്മത്തിന്റെ സുഷിരത്തിലൂടെ പുറത്തു പോവുകയും , ചർമ്മം തിളക്കമുള്ളതാവുകയും ചെയ്യുന്നു . അതിനാൽ നാരങ്ങ നീര് ദിനവും കഴിക്കുന്നതും ചർമ്മത്തിൽ പുരട്ടുന്നതും മുഖക്കുരു വരാതിരിക്കാൻ സഹായകമാകും .
ചർമ്മത്തിൽ ഉണ്ടാകുന്ന മാലിന്യം നീക്കാൻ സഹായിക്കുന്ന നല്ലൊരു ഭക്ഷണ വസ്തുവാണ് തണ്ണിമത്തൻ . വിറ്റാമിൻ എ, ബി, സി എന്നിവ അടങ്ങിയിട്ടുള്ള തണ്ണിമത്തൻ , ചർമ്മത്തിലെ ജലാംശം നിലനിർത്താൻ സഹായിക്കുന്നത് മൂലം ചർമ്മം തിളക്കമുള്ളതും മൃദുത്വമുള്ളതുമാകുന്നു .തണ്ണി മത്തൻ കഴിക്കുന്നത് മുഖക്കുരു പൊട്ടുന്നത് മൂലം ഉണ്ടാകുന്ന പാടുകൾ ഇല്ലാതാക്കാൻ സഹായകമാകും .
തൈരിൽ ആന്റിഫംഗൽ, ആൻറി ബാക്ടീരിയൽ ഗുണങ്ങൾ ഉണ്ട്, അതിനാൽ ചർമ്മത്തെ ശുദ്ധീകരിക്കാനും ചർമ്മത്തിലെ സുഷിരങ്ങൾ അടയാതെ സൂക്ഷിക്കാനും ഇത് ഉപയോഗപ്രദമാണ്.
പ്രതികരിക്കാൻ ഇവിടെ എഴുതുക