Home AUTOMOBILE ബുക്ക് ഓഫ് റെക്കോര്‍ഡ്‌സില്‍ ടാറ്റ ആള്‍ട്രോസ് ഇന്ത്യ ഇടം പിടിച്ചു

ബുക്ക് ഓഫ് റെക്കോര്‍ഡ്‌സില്‍ ടാറ്റ ആള്‍ട്രോസ് ഇന്ത്യ ഇടം പിടിച്ചു

ബുക്ക് ഓഫ് റെക്കോര്‍ഡ്‌സില്‍ ടാറ്റ ആള്‍ട്രോസ് ഇന്ത്യ ഇടം പിടിച്ചു . 24 മണിക്കൂറിനുള്ളില്‍ 1,603 കിലോമീറ്റര്‍ ദൂരം പിന്നിട്ടാണ് പ്രീമിയം ഹാച്ച്‌ബാക്ക് റെക്കോര്‍ഡ് ബുക്കില്‍ സ്ഥാനം നേടിയത്. ടാറ്റ ആള്‍ട്രോസ് ഉടമയായ ദേവ്ജീത് സാഹയാണ് തന്റെ കാറില്‍ റെക്കോര്‍ഡ് റണ്‍ കൈവരിച്ചത്.

പൂനെ സ്വദേശിയായ സാഹ, സതാരയ്ക്കും ബംഗളൂരുവിനുമിടയിലാണ് 24 മണിക്കൂര്‍ റൗണ്ട് ട്രിപ്പ് പൂര്‍ത്തിയാക്കിയത്. ഈ സുപ്രധാന യാത്ര നടത്താന്‍ അവസരം ലഭിച്ചതില്‍ താന്‍ സന്തുഷ്ടനാണ്, കൂടാതെ ഇന്ത്യാ ബുക്ക് ഓഫ് റെക്കോര്‍ഡ്‌സില്‍ ഇടം നേടിയതില്‍ താന്‍ അഭിമാനിക്കുന്നു എന്ന് ദേവ്ജീത് സാഹ പറഞ്ഞു.

ഇന്ത്യ ബുക്ക് ഓഫ് റെക്കോര്‍ഡ്‌സ് 2006 മുതല്‍ രാജ്യത്തെ എല്ലാ റെക്കോര്‍ഡുകളുടെയും ഒരു ട്രാക്ക് സൂക്ഷിക്കുന്നുണ്ട്. വിയറ്റ്‌നാം, മലേഷ്യ, യുഎസ്‌എ, നേപ്പാള്‍, ഇന്തോനേഷ്യ, ബംഗ്ലാദേശ്, തായ്‌ലന്‍ഡ് എന്നീ ഏഴ് രാജ്യങ്ങളില്‍ നിന്നുള്ള ചീഫ് എഡിറ്റര്‍മാരുള്ള ഏക ബുക്കാണിത്. എന്നാല്‍ ഇതിന്റെ സ്ഥിരീകരണ പ്രക്രിയ വ്യക്തമല്ല.

മാരുതി സുസുക്കി ബലേനോ, ഹ്യുണ്ടായി i20 എന്നിവയുമായി മത്സരിക്കുന്ന പ്രീമിയം ഹാച്ച്‌ബാക്കാണ് ടാറ്റ ആള്‍ട്രോസ്. 1.2 ലിറ്റര്‍ നാച്ചുറലി ആസ്പിറേറ്റഡ് പെട്രോള്‍, 1.2 ലിറ്റര്‍ ടര്‍ബോചാര്‍ജ്ഡ് പെട്രോള്‍, 1.5 ലിറ്റര്‍ ടര്‍ബോചാര്‍ജ്ഡ് ഡീസല്‍ എന്നിങ്ങനെ മൂന്ന് എഞ്ചിന്‍ ഓപ്ഷനുകള്‍ ആള്‍ട്രോസ് വാഗ്ദാനം ചെയ്യുന്നു. ആള്‍ട്രോസിന് ടാറ്റ ഇതുവരെ ഒരു ഓട്ടോമാറ്റിക് ട്രാന്‍സ്മിഷന്‍ വാഗ്ദാനം ചെയ്തിട്ടില്ല.

Also Read :  പീഡനക്കേസില്‍ ജാമ്യത്തിലിറങ്ങിയാള്‍ പരാതിക്കാരിയെ തീക്കൊളുത്തി