ന്യൂഡല്ഹി: വ്യാപാര സംഘടനകള് ഇന്ധനവില വര്ദ്ധന, ജി എസ് ടി, ഇ-വേ ബില് തുടങ്ങിയവയില് പ്രതിഷേധിച്ച് പ്രഖ്യാപിച്ച ഭാരത് ബന്ദ് തുടങ്ങി.രാത്രി എട്ട് മണിവരെ നടക്കുന്ന ബന്ദിന് കോണ്ഫെഡറേഷന് ഓഫ് ഓള് ഇന്ത്യാ ട്രേഡേഴ്സാണ് ആഹ്വാനം ചെയ്തിരിക്കുന്നത്. ഓള് ഇന്ത്യ ട്രാന്സ്പോര്ട്ട് വെല്ഫെയര് അസോസിയേഷനും പിന്തുണ പ്രഖ്യാപിച്ചിട്ടുണ്ട്.
നാല്പതിനായിരത്തോളം സംഘടനകളില് നിന്നായി എട്ട് കോടി പേര് സമരത്തിന്റെ ഭാഗമാകുമെന്ന് സംഘാടകര് അറിയിച്ചു. അതേസമയം കേരളത്തില് ബന്ദ് ബാധകമല്ലെന്ന് വ്യാപാരി വ്യവസായി ഏകോപന സമിതി അറിയിച്ചിട്ടുണ്ട്. കേരളത്തില് നിന്നുളള ട്രാന്സ്പോര്ട്ട് സംഘടനകള് ഒന്നും തന്നെ ബന്ദില് പങ്കെടുക്കുന്നില്ല.
പ്രതികരിക്കാൻ ഇവിടെ എഴുതുക