മലയാളികളുടെ പ്രിയ ഗായിക ചിത്രയെക്കുറിച്ച് അധികമാരും അറിയാത്ത കഥ പങ്കുവെച്ച് ഗായകന് ജി വേണുഗോപാല്. തന്റെ ഭാര്യാ സഹോദരന് പക്ഷാഘാതം ബാധിച്ച് ജീവിതത്തിനും മരണത്തിനുമിടയില് കഴിഞ്ഞ അവസ്ഥയില് അദ്ദേഹത്തെ ജീവിതത്തിലേയ്ക്കു തിരികെ കൊണ്ടുവന്നത് ചിത്രയാണെന്നാണ് അദ്ദേഹം വെളിപ്പെടുത്തിയത്.
കെഎച്ച്എന്എ സംഘടന പത്മപുരസ്കാര ജേതാക്കളെ ആദരിക്കുന്നതിനു വേണ്ടി ഓണ്ലൈനായി സംഘടിപ്പിച്ച മീറ്റിങ്ങിലായിരുന്നു പ്രതികരണം.
. എന്റെ ഭാര്യാ സഹോദരന് രാമചന്ദ്രന് പക്ഷാഘാതം ബാധിച്ച് ജീവിതത്തിനും മരണത്തിനുമിടയില് കിടന്ന സമയത്ത് അദ്ദേഹത്തെ ഉണര്ത്തിയത് ചിത്രയുടെ സ്വരമാണ്. സംഗീതരംഗത്ത് ഉയര്ച്ചയില് നില്ക്കുമ്പോള് പക്ഷാഘാതം ബാധിച്ച് അദ്ദേഹം വെന്റിലേറ്ററില് ആയി.
ജീവിക്കുമോ മരിക്കുമോ എന്നു പോലും അറിയാത്ത അവസ്ഥയായിരുന്നു അത്. അദ്ദേഹത്തെ ഐസിയുവിലേക്കു മാറ്റിയ അന്ന് ചിത്ര അദ്ദേഹത്തെ കാണാന് ആശുപത്രിയിലെത്തി.
രാമചന്ദ്രന്റെ കട്ടിലില് ഇരുന്ന് അദ്ദേഹത്തിന്റെ ചെവിയോടു ചേര്ന്ന് ‘പാടറിയേന് പടിപ്പറിയേന്’ എന്ന പാട്ടിന്റെ ഏതാനും വരികള് ആലപിച്ചു.
പെട്ടന്ന് എല്ലാവരെയും അമ്പരപ്പിച്ചുകൊണ്ട് രാമചന്ദ്രന് പ്രതികരിച്ചു. ‘ദ് ഗോള്ഡന് വോയ്സ് ഓഫ് ചിത്ര’ എന്നു പറഞ്ഞുകൊണ്ട് അദ്ദേഹം ജീവിതത്തിലേയ്ക്കു തിരിച്ചു വന്നു. – അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക