മുൻ യു എസ് പ്രസിഡൻ്റ് ഡൊണാൾഡ് ട്രംപിനെ അത്രപെട്ടന്നൊന്നും ലോകം മറക്കില്ല. വിവാദ പ്രസ്താവനകളിലൂടെയാണ് ട്രംപ് എപ്പോഴും വാർത്തകളിൽ ഇടം നേടാറുള്ളത്. ഇപ്പോൾ ട്രംപിന്റെ പ്രതിമയും ട്രെൻ്റായിരിക്കുകയാണ്. ട്രംപിന് ഏറ്റവും വിരോധമുണ്ടായിരുന്ന ചൈനയിലാണ് ട്രംപിന്റെ പ്രതിമകൾ നിർമ്മിക്കപ്പെടുന്നത് എന്നതാണ് ഏറെ കൗതുകകരം.
ചൈനീസ് ഫർണിച്ചർ നിർമാതാവായ ഹോങ് ജിൻഷിയാണ് ട്രംപിന്റെ ചെറു പ്രതിമകൾ നിർമ്മിച്ചിരിക്കുന്നത്. ബുദ്ധ സന്യാസിയേപ്പോലെ ധ്യാനിച്ചിരിക്കുന്ന ട്രംപിനെയാണ് പ്രതിമയിൽ കാണാനാകുക. കഴിഞ്ഞ വർഷം വെറുതേ ഒരു രസത്തിന് വേണ്ടിയാണ് ഹോങ് ഇത്തരത്തിൽ ഒരു പ്രതിമ നിർമ്മിച്ചത്.
ആറുമാസം കഴിഞ്ഞപ്പോൾ, ഹോങിന്റെ ഹോബി ഒരു ചെറിയ സൈഡ് ബിസിനസ് ആയി മാറി. ഫ്യൂജിയൻ പ്രവിശ്യയിലെ ഡെഹുവ പട്ടണത്തിൽ അദ്ദേഹം പ്രതിമ നിർമ്മിക്കാൻ ഒരു വർക്ക് ഷോപ്പ് ആരംഭിച്ചു.
തീവ്രനിലപാടുകൾക്ക് പേരുകേട്ട ട്രംപും ബുദ്ധമതവും തമ്മിലുള്ള വൈരുദ്ധ്യമാണ് ഇത്തരത്തിൽ ഒരു പ്രതിമ തെരഞ്ഞെടുക്കാൻ ഹോങിന് പ്രചോദനമായത്.
ഞങ്ങളുടെ പാരമ്പര്യമെന്തെന്നാൽ, വളരെ പ്രായമുള്ളവനും വിജയിച്ചവനുമായ ഒരാൾ … തന്റെ വാർദ്ധക്യം ആസ്വദിക്കാനും കൂടുതൽ വിശ്രമിക്കാനും തുടങ്ങണം, പക്ഷേ വിവിധ മോഹങ്ങളെയും അനിശ്ചിതത്വങ്ങളെയും പറ്റി അദ്ദേഹം ഇപ്പോഴും വേദനിക്കുകയും വിഷമിക്കുകയും ചെയ്തിരുന്നു,” ഹോങ് പറഞ്ഞു.
ഇതിനോടകം തന്നെ ചൈനയിൽ നിന്നും വിദേശത്തുനിന്നും 200 പ്രതിമകൾക്ക്ക്ക് ഹോങ്ങിന് ഓർഡറുകൾ ലഭിച്ചു. ഒരു പ്രതിമ ഉണ്ടാക്കാൻ 10 ദിവസമെടുക്കും. ശിൽപ്പ വൈദഗ്ധ്യമുള്ള ഒരു സുഹൃത്തിന്റെ സഹായത്തോടെയാണ് അവർ മാസങ്ങളോടമെടുത്ത് പരിഷ്കരിച്ച ഡിസൈൻ ഉണ്ടാക്കിയത്.
16 സെന്റിമീറ്റർ ഉയരമുള്ള പ്രതിമയ്ക്ക് 999 യുവാനാണ് വില. ഇത് ഏകദേശം 11,174.93 രൂപ വരും. 46 സെൻ്റിമീറ്റർ വലുപ്പമുള്ള വലിയ പ്രതിമയ്ക് ഇതിന്റെ 20 ഇരട്ടി വിലയുണ്ട്. തന്റെ പ്രതിമകൾ ട്രംപ് കണ്ടിട്ടുണ്ടോയെന്ന് ഹോങ്ങിന് ഉറപ്പില്ല. എന്നാൽ ട്രംപിന് ഒരു പ്രതിമ സമ്മാനിക്കാൻ അവർ തയ്യാറാണ്.
പ്രതികരിക്കാൻ ഇവിടെ എഴുതുക