ഓഡിയോ ഓൺലി പ്ലാറ്റ്ഫോമായ ക്ലബ്ഹൗസിൻ്റേത് പൊലുള്ള സവിശേഷത ആൻഡ്രോയിഡ് , ഐഒസ് ആപ്പുകളിൽ ട്വിറ്റർ കൊണ്ടുവന്നിരുന്നു. സ്പേസെസ് എന്ന പേരിലുള്ള ഈ ഫീച്ചർ വെബിലും അവതരിപ്പിക്കാൻ ഒരുങ്ങുകയാണ് ട്വിറ്റർ. ഓഡിയോ ചാറ്റ് റൂമിന്റെ വെബ് വേർഷൻ പുറത്തിറക്കാനുള്ള ശ്രമത്തിലാണ് ട്വിറ്റർ എന്ന് ദി വേർജ് റിപ്പോർട്ട് ചെയ്തിട്ടുണ്ട്.
ടെക് ബ്ലോഗറായ ജാൻ മഞ്ചുൻ വോങ് ആണ് ഇക്കാര്യം ആദ്യം റിപ്പോർട്ട് ചെയ്തത്. വെബിലേതെന്ന് തോന്നിക്കുന്ന സ്പേസസിന്റെ പ്രിവ്യൂ കാർഡിന്റെ സ്ക്രീൻ ഷോട്ടുകൾ അവർ ട്വിറ്ററിൽ പോസ്റ്റ് ചെയ്തിട്ടുണ്ട്.
ക്ലബ് ഹൗസിൽ നിന്നും കടംകൊണ്ടാണ് ട്വിറ്റർ സ്പേസസ് എന്ന ആശയം കൊണ്ടുവന്നിരിക്കുന്നത്. പുതിയ സവിശേഷതയിൽ യൂസേഴ്സിന് ഓഡിയോ ഡിസ്കഷനുകൾ ഹോസ്റ്റ് ചെയ്യാനും ചർച്ചകളിൽ പങ്കെടുക്കാനും കഴിയും.
ഡയറക്റ്റ് മെസേജ് വഴി ഒരു ഇൻവിറ്റേഷൻ ലഭിച്ചവർക്ക് മാത്രമാണ് ഇത്തരത്തിൽ ഓഡിയോ ഡിസ്കഷനിൽ പങ്കെടുക്കാൻ കഴിയുകയുള്ളു. ഒരു ഓഡിയോ ഡിസ്കഷനിൽ പരമാവധി പത്ത് പേർക്കേ ഹോസ്റ്റ് ചെയ്യാൻ കഴിയുകയുള്ളു. അതായത് പത്ത് പേർക്ക് മാത്രമെ ഒരു ഡിസ്ക്ഷനിൽ സംസാരിക്കാൻ കഴിയുകയുള്ളു. അതേസമയം, എത്രപേർക്ക് വേണമെങ്കിലും ചാറ്റ്റൂമിൽ ശ്രോതാക്കളാകാം.
ക്ലബ്ഹൗസുമായി താരതമ്യം ചെയ്യുമ്പോൾ ട്വിറ്ററിനുള്ള അധിക സവിശേഷത, സംഭാഷണങ്ങൾ റെക്കോർഡ് ചെയ്യാനുള്ള സൗകര്യമാണ്. ട്വിറ്റർ റൂളുകൾ ലംഘിക്കുന്നുണ്ടെയെന്ന് പരിശോധിക്കാൻ 30 ദിവസം വരെ സംഭാഷണങ്ങൾ ചാറ്റ് റൂമിൽ ഉണ്ടാകും.
അതിന് ശേഷം ഡാറ്റകൾ ഡീലീറ്റ് ആയിപ്പോകും. ഹോസ്റ്റ് ചെയ്തവർക്കും സ്പീക്കേഴ്സിനും ട്രാൻസ്ക്രിപ്ഷൻ ഡൗൺലോഡ് ചെയ്യാൻ കഴിയും. ഇതിന് വേണ്ടി ട്രാൻസ്ക്രിപ്ഷൻ ഓപ്ഷൻ ഓൺ ചെയ്ത് വെയ്ക്കാം. മാത്രമല്ല ട്വിറ്ററിൽ ഇമോജികൾ ഉപയോഗിക്കാം എന്ന സവിശേഷതയുമുണ്ട്. ക്ലബ് ഹൗസിൽ ഈ സവിശേഷത ഇല്ല.
എന്താണ് ക്ലബ് ഹൗസ്?
ഒരു ഡിസ്ക്കഷന്റെ ഭാഗമാകാൻ ഉപയോക്താക്കളെ അനുവദിക്കുന്ന ഒരു ഓഡിയോ-ചാറ്റിംഗ് സോഷ്യൽ നെറ്റ്വർക്കിംഗ് അപ്ലിക്കേഷനാണ് ക്ലബ് ഹൗസ്. മറ്റുള്ളവർ സംസാരിക്കുന്നത് കേൾക്കാൻ അവർക്ക് ഒരു റൂമിൽ ചേരാം. നിലവിൽ ഇത് ഐ. ഒ. എസിൽ മാത്രമെ ലഭ്യമായിട്ടുള്ളു. മാത്രമല്ല മറ്റൊരാളുടെ ഇന്വിറ്റേഷൻ ലഭിച്ചാൽ മാത്രമെ ഈ ആപ്പിൽ സൈൻ ഇൻ ചെയ്യാൻ കഴിയു.
ടെലിഗ്രാമും പണി തുടങ്ങി
ടെലിഗ്രാം ചാനലുകളിലേക്ക് ഓഡിയോ കോളിംഗ് സവിശേഷതകൾ ചേർക്കാൻ ശ്രമിക്കുകയാണെന്നാണ് പുതിയ റിപ്പോർട്ടുകൾ. ടെലിഗ്രാമിലെ ഏത് ചാനലിനും ഒരു സമയം 2,00,000 ആളുകളെ വരെ ചേർക്കാൻ കഴിയും. കഴിഞ്ഞ വർഷം, ഈ സമയത്ത്, ടെലിഗ്രാം ചാനലുകളിൽ ഒരു ഡിസ്കഷൻ ബട്ടൺ ചേർത്തിരുന്നു. ഇപ്പോൾ, ചാനലുകളിൽ കോളിംഗ് സവിശേഷത വികസിപ്പിച്ചുകൊണ്ട് ഇത് ഈ ചർച്ചയെ അടുത്ത ഘട്ടത്തിലേക്ക് കൊണ്ടുപോകുന്നു. ഈ സവിശേഷത ഏത് ചാനലിനെയും ഓഡിയോ ചർച്ചകൾക്ക് വഴിയൊരുക്കുന്ന ഓഡിയോ-ചാറ്റ് റൂമായി മാറ്റും. ക്ലബ് ഹൗസിലെന്നപോലെ ഗ്രൂപ്പ് ചാറ്റ് ചർച്ചകളിലും ടെലിഗ്രാമിന് കർശനമായ മോഡറേഷനുകൾ ഉണ്ടായിരിക്കുമെന്ന് റിപ്പോർട്ടുകൾ വ്യക്തമാക്കുന്നു. ടെലിഗ്രാം ഉടൻ തന്നെ ഈ വോയ്സ് ചാറ്റ് ചാനൽ ആരംഭിക്കാൻ സാധ്യതയുണ്ട്, ടെലിഗ്രാം ഗ്രൂപ്പ് ചാറ്റിനെ വലിയ സംഭാഷണങ്ങളെ പിന്തുണയ്ക്കാൻ അനുവദിക്കുന്നു എന്നാണ് റിപ്പോർട്ട്.
പ്രതികരിക്കാൻ ഇവിടെ എഴുതുക