സമയക്കുറവ്, ശീഘ്രസ്ഖലനം തുടങ്ങിയവ പലരും അനുഭവിക്കുന്ന ലൈംഗികപ്രശ്നങ്ങളാണ്. ലൈംഗികതയോടുള്ള ഭയം, അമിത ഉത്കണ്ഠ, മറ്റു ശാരീരിക പ്രശ്നങ്ങൾ തുടങ്ങിയവയൊക്കെ ഇതിനു കാരണമായേക്കാം. ജനിതക പ്രശ്നങ്ങൾ മൂലവും ശീഘ്രസ്ഖലനമുണ്ടാകാം.
1. കൂടുതൽ പച്ചക്കറികളും പഴങ്ങളും കഴിക്കാം
കൂടുതൽ പച്ചക്കറികളും പഴങ്ങളും കഴിക്കുന്ന പുരുഷന്മാർക്കു ലൈംഗികവേഴ്ചയ്ക്കു കൂടുതൽ സമയം കിട്ടുമെന്നാണു പഠനങ്ങൾ പറയുന്നത്. പഴങ്ങളിലും പച്ചക്കറികളിലും നിന്നു ലഭിക്കുന്ന പൊട്ടാസ്യം പോലുള്ള പോഷകങ്ങൾ കൂടുതൽ സ്റ്റാമിന നൽകും.
ലൈംഗികബന്ധത്തിൽ ഏർപ്പെടും മുൻപ് ഏത്തപ്പഴം കഴിക്കുന്നതു നല്ലതാണ്. ഏത്തപ്പഴത്തിൽ ധാരാളം പൊട്ടാസ്യമുണ്ട്. ഗ്ലൂക്കോസിന്റെയും കലവറയാണിത്. ഇവ രണ്ടും ലൈംഗികബന്ധത്തിനു കൂടുതൽ ശേഷിയും സമയവും നൽകാൻ സഹായിക്കും. ദിവസവും ഒരു ഗ്ലാസ് നെല്ലിക്ക ജ്യൂസ് കുടിക്കുന്നതു സമയദൈർഘ്യം ലഭിക്കാൻ നല്ലതാണ്. നെല്ലിക്കയിൽ അയണിന്റെയും സിങ്കിന്റെയും
ഘടകങ്ങൾ ധാരാളമുണ്ട്. ലൈംഗികവേഴ്ചയ്ക്കു മുൻപു സ്ട്രോബറി കഴിക്കുന്നത് ഉന്മേഷത്തിന് സഹായിക്കും.
2. പുകവലി കുറയ്ക്കുക
പുരുഷന്മാരുടെ ലൈംഗികശേഷിയെ സാരമായി ബാധിക്കുന്ന ഒന്നാണ് പുകവലി. പുകവലി രക്തക്കുഴലുകളെ കട്ടിയാക്കുകയും ലിംഗത്തിലേക്കുള്ള രക്തപ്രവാഹം തടസ്സപ്പെടുത്തുകയും ചെയ്യും. സ്ഥിരമായി പുകവലിക്കുന്ന ഒരാൾക്ക്, പുകവലിക്കാത്തവർക്കു ലഭിക്കുന്നതിന്റെ പാതിയോളം സമയമേ ലൈംഗികവേഴ്ചയ്ക്കു കിട്ടൂ എന്നും പഠനം പറയുന്നു. ഇക്കൂട്ടരിൽ മറ്റു ലൈംഗിക പ്രശ്നങ്ങളും പതിവാണ്.
3. കൈകാലുകൾക്കും വയറിനും നല്ല വ്യായാമം വേണം
പതിവായി വ്യായാമം ചെയ്യുന്നവർ ലൈംഗികജീവിതം നന്നായി ആസ്വദിക്കുന്നവരാണ്. കൈകാലുകളുടെയും വയറിന്റെയും പേശികൾ കരുത്തുറ്റതാണെങ്കിൽ ലൈംഗികവേഴ്ചയ്ക്കു കൂടുതൽ സമയം കിട്ടും. പതിവായി ബൈസെപ്സിനും ട്രൈസെപ്സിനുമുള്ള വ്യായാമം (കൈകളിലെ മസിലുകൾക്കുള്ള വ്യായാമം) ചെയ്താൽ സമയക്കുറവിന്റെ പ്രശ്നം പരിഹരിക്കാം. ബോഡി- വെയ്റ്റ് എക്സർസൈസും നല്ലതാണ്. ശരീരത്തിലെ രക്തപ്രവാഹം വർധിപ്പിക്കുന്ന വ്യായാമങ്ങളാണ് ഇവയെല്ലാം.
4. കെഗിൾസ് എക്സർസൈസ്, പെൽവിക് ഫ്ലോർ എക്സർസൈസ് എന്നിവ ലൈംഗികവേഴ്ചയ്ക്കു സമയക്കൂടുതൽ നൽകുന്നവയാണെന്നു കണ്ടെത്തിയിട്ടുണ്ട്.
7. ഫോർപ്ലേയ്ക്ക് അധിക സമയം നൽകാം
തിടുക്കം കാട്ടാതെയുള്ള ലൈംഗികബന്ധമാണ് ആരോഗ്യകരം. പുരുഷനിലും സ്ത്രീയിലും രതിമൂർച്ഛ സംഭവിക്കുമ്പോഴാണു ലൈംഗികബന്ധം പൂർണതയിലെത്തുന്നത്. സമയക്കുറവുള്ള പുരുഷന്മാർക്കു സ്ത്രീയുടെ രതിമൂർച്ഛ വരെ കാത്തിരിക്കാൻ പറ്റാതായേക്കാം. അങ്ങനെയുള്ളവർ ഫോർപ്ലേയ്ക്ക് കൂടുതൽ സമയം കണ്ടെത്തുക. വിരലുകളോ ചുണ്ടോ ഉപയോഗിച്ച് സ്ത്രീയെ രതിമൂർച്ഛയിലെത്തിച്ചശേഷം ലിംഗം ഉപയോഗിച്ചുള്ള വേഴ്ചയിലേക്കു കടക്കാം. ഇതിനിടെ സ്ക്യൂസ് ടെക്നിക് അടക്കമുള്ളവ പരീക്ഷക്കുക. ഇത് ഇരുവർക്കും സംതൃപ്തി നൽകും.
8. നല്ല ഉറക്കം മികച്ച ലൈംഗിക ജീവിതത്തിന് വളരെ അത്യാവശ്യമാണ്. ദിവസം എട്ടു മണിക്കൂറെങ്കിലും ഉറങ്ങണം.
പ്രതികരിക്കാൻ ഇവിടെ എഴുതുക