Home AUTOMOBILE യമഹ YZF R15 ഇനി മെറ്റാലിക് റെഡിലും

യമഹ YZF R15 ഇനി മെറ്റാലിക് റെഡിലും

യമഹ YZF R15ന് മെറ്റാലിക് റെഡ് എന്ന പുതിയ കളർ ഓപ്ഷൻ അവതരിപ്പിച്ച് യമഹ. ഈ കളർ ഓപ്ഷനിലുള്ള യമഹ YZF R15 പതിപ്പ് 3.0 ന് 1,52,100 രൂപയാണ് വില (എക്സ്-ഷോറൂം, ഡൽഹി).

പുതുതായി അവതരിപ്പിച്ച മെറ്റാലിക് റെഡിന് പുറമെ, തണ്ടർ ഗ്രേ, റേസിംഗ് ബ്ലൂ, ഡാർക്ക് നൈറ്റ് എന്നീ മൂന്ന് കളർ ഓപ്ഷനുകളിൽ യമഹ YZF R15 ലഭ്യമാണ്. അവയുടെ വിലകൾ ചുവടെ (എക്സ്-ഷോറൂം,ഡൽഹി).

YZF R15 മെറ്റാലിക് റെഡ് – 1,52,100 രൂപ

YZF R15 തണ്ടർ ഗ്രേ – 1,52,100 രൂപ

YZF R15 റേസിംഗ് ബ്ലൂ – 1,53,200 രൂപ

YZF R15 ഡാർക്ക് നൈറ്റ് – 1,54,200 രൂപ

155 സിസി, ലിക്വിഡ്-കൂൾഡ്, 4-സ്ട്രോക്ക്, എസ്‌ഒ‌എച്ച്‌സി, 4-വാൽവ്, ഫ്യുവൽ ഇൻചക്റ്റഡ് എഞ്ചിൻ എന്നിവയാണ് യമഹ YZF R15ൻ്റെ കരുത്ത്. ഇത് 18.6PS പരമാവധി പവറും 14.1Nm പീക്ക് ടോർക്കും വികസിപ്പിക്കുന്നു. എഞ്ചിൻ 6 സ്പീഡ് ട്രാൻസ്മിഷനുമായി ജോടിയാകുന്നു.

ഡെൽറ്റാബോക്സ് ഫ്രെയിമിൽ ആണ് മോട്ടോർസൈക്കിൾ. മുൻവശത്ത് ടെലിസ്‌കോപ്പിക് ഫോർക്കുകളും പിന്നിൽ ലിങ്ക്ഡ്-ടൈപ്പ് മോണോക്രോസ് സസ്‌പെൻഷനും ആണുള്ളത്. ട്യൂബ് ലെസ് ഫ്രണ്ട് ടയറും റേഡിയൽ ട്യൂബ് ലെസ് റിയർ ടയറും ഉള്ള 17 ഇഞ്ച് അലോയ് വീൽസ് ഷോഡ് ഉണ്ട്. മുൻവശത്തും (282 മിമി) പിന്നിലും (220 എംഎം) സിങ്കിൾ ഡിസ്കാണ് ഉള്ളത്. ഡ്യുവൽ-ചാനൽ എബി‌എസും ലഭ്യമാണ്.

എൽഇഡി ഹെഡ്ലൈറ്റ്, എൽഇഡി ടൈലൈറ്റ്, പൂർണ്ണ ഡിജിറ്റൽ എൽസിഡി ഇൻസ്ട്രുമെന്റ് ക്ലസ്റ്റർ, ഡ്യുവൽ ഹോൺ, വേരിയബിൾ വാൽവ് ആക്യുവേഷൻ, എ & എസ് (അസിസ്റ്റ് & സ്ലിപ്പർ) ക്ലച്ച്, സൈഡ് സ്റ്റാൻഡ് എഞ്ചിൻ കട്ട്-ഓഫ് സ്വിച്ച് എന്നിവയാണ് യമഹ YZF R15 ന്റെ പ്രധാന സവിശേഷതകൾ

Also Read :   സിനിമയിലെ പരിഹാസം കൈകാര്യം ചെയ്യാവുന്നതിന് അപ്പുറമായിരുന്നു, ഞാനെന്റെ ശരീരത്തെ വെറുത്തു: നടി കാര്‍ത്തിക മുരളീധരന്‍