Home KERALA അബദ്ധത്തിൽ പൂട്ട് വീണു, ഒരു രാത്രി മുഴുവൻ വയോധിക ബാൽക്കണിയിൽ; ഒടുവിൽ  

അബദ്ധത്തിൽ പൂട്ട് വീണു, ഒരു രാത്രി മുഴുവൻ വയോധിക ബാൽക്കണിയിൽ; ഒടുവിൽ  

ഒരു രാത്രി മുഴുവൻ ഫ്ലാറ്റിന്റെ ബാൽക്കണിയിൽ കുടുങ്ങിയ വയോധികയെ അഗ്നിരക്ഷാ സേനയെത്തി രക്ഷിച്ചു. ചെങ്ങന്നൂർ തിരുവൻവണ്ടൂർ അമ്പലപ്പാട്ട് വീട്ടിൽ അച്ചാമ്മക്കുട്ടിയെ (70) ആണ് രക്ഷിച്ചത്.

മനയ്ക്കച്ചിറയിലെ എവിഎം ഫ്ലാറ്റിലെ 3–ാം നിലയിലാണ് ഇവർ താമസിച്ചിരുന്നത്. വ്യാഴാഴ്ച രാത്രിയായിരുന്നു സംഭവം. ബന്ധുക്കൾ സ്ഥലത്തില്ലാത്തതിനാൽ അച്ചാമ്മക്കുട്ടി തനിച്ചായിരുന്നു.

മുറിയുടെയും ബാൽക്കണിയുടെയും ഇടയിലുള്ള ഗ്രില്ല് തള്ളിനീക്കാൻ ശ്രമിക്കുന്നതിനിടെ അബദ്ധത്തിൽ പൂട്ട് വീണു. ഇതോടെ ബാൽക്കണിയിൽ കുടുങ്ങി. ബാൽക്കണിയുടെ പുറംഭാഗം ചില്ലിട്ട് അടച്ചിരുന്നതിനാൽ ഉച്ചത്തിൽ നിലവിളിച്ചിട്ടും ആരും കേട്ടില്ല.

രാത്രി മുഴുവൻ ബാൽക്കണിയിൽ കഴിച്ചുകൂട്ടിയ അച്ചാമ്മ, ഇന്നലെ രാവിലെ കെട്ടിടത്തിന്റെ എതിർവശത്ത് പണിക്കെത്തിയ തൊഴിലാളികളെ ചില്ലിൽ തട്ടി ശബ്ദമുണ്ടാക്കി കൈകാട്ടി വിളിക്കുകയായിരുന്നു.

തുടർന്ന് സമീപവാസികൾ പൊലീസിലും അഗ്നിരക്ഷാസേന ഓഫിസിലും വിവരമറിയിച്ചു. രാവിലെ 9 മണിയോടെ അഗ്നിരക്ഷാ സേനയുടെ റെസ്ക്യൂ ടീം സ്ഥലത്തെത്തി വീടിന്റെ മുൻവാതിൽ കുത്തിത്തുറന്ന് അച്ചാമ്മക്കുട്ടിയെ രക്ഷപ്പെടുത്തുകയായിരുന്നു.

സീനിയർ റെസ്ക്യൂ ഓഫിസർ സുന്ദരേശൻ നായർ, ഓഫിസർമാരായ ശ്രീനിവാസ്, വിനീത്, ജിതിൻ, ശരത്, ഹോംഗാർഡ് സജിമോൻ എന്നിവർ നേതൃത്വത്തിലാണ് വീട്ടമ്മയെ രക്ഷിച്ചത്.

Also Read :   കർണാടകയിൽ രണ്ട് ഒമിക്രോണ് കേസുകൾ സ്ഥിരീകരിച്ചു