മന്സൂര് വധക്കേസിലെ രണ്ടാം പ്രതി രതീഷിന്റെ മരണത്തില് ദുരൂഹതയുണ്ടെന്ന് സൂചന. തൂങ്ങിമരിച്ച നിലയിലാണ് രതീഷിന്റെ മൃതദേഹം കണ്ടെത്തിയത്.എന്നാല് ആന്തരിക അവയവങ്ങള്ക്ക് ക്ഷതമുണ്ടെന്ന് പോസ്റ്റ്മോര്ട്ടം റിപ്പോര്ട്ടിലുണ്ട്.പോസ്റ്റുമോര്ട്ടം റിപ്പോര്ട്ടിലെ കണ്ടെത്തലിനു പിന്നാലെ വടകര റൂറല് എസ് പി മൃതദേഹം കണ്ടെത്തിയ സ്ഥലത്തെത്തി പരിശോധന നടത്തി.
പോസ്റ്റ്മോര്ട്ടം ചെയ്ത ഡോക്ടറുടെ മൊഴിയെടുക്കും.മന്സൂര് വധക്കേസ് അന്വേഷിക്കുന്ന സംഘം ഇന്ന് വിശദ പരിശോധനക്കായി രതീഷിനെ തൂങ്ങി മരിച്ച നിലയില് കണ്ടെത്തിയ ചെക്യാട് എത്തും. ഏപ്രില് ഒന്പതിനാണ് രതീഷിനെ ആളൊഴിഞ്ഞ പറമ്ബില് തൂങ്ങിമരിച്ച നിലയില് കണ്ടെത്തിയത്.
രതീഷിന്റെ മരണത്തില് ദുരൂഹതയുണ്ടെന്ന് നേരത്തെ യു ഡി എഫ് ആരോപിച്ചിരുന്നു.
പ്രതികരിക്കാൻ ഇവിടെ എഴുതുക