തിരുവനന്തപുരം : സംസ്ഥാനത്ത് വിവിധയിടങ്ങളിൽ ശക്തമായ മഴ തുടരുകയാണ്. അടുത്ത അഞ്ച് ദിവസം സംസ്ഥാനത്ത് ശക്തമായ മഴയ്ക്കുള്ള സാധ്യത മുന്നിര്ത്തി വിവിധ ജില്ലകളില് കേന്ദ്ര കാലാവസ്ഥാ നിരീക്ഷണ വിഭാഗം യെല്ലോ അലേര്ട്ട് പ്രഖ്യാപിച്ചു. ഇന്ന് കോട്ടയം, എറണാകുളം,ഇടുക്കി, തൃശൂര്, മലപ്പുറം ജില്ലകളില് യെല്ലോ അലേര്ട്ട് നിലനില്ക്കുകയാണ്.
ഏപ്രില് 13 ന് വയനാട്. ഏപ്രില് 14ന് ഇടുക്കി, പാലക്കാട്, മലപ്പുറം, കോഴിക്കോട്, വയനാട്. ഏപ്രില് 15ന് ഇടുക്കി, തൃശൂര്, പാലക്കാട്, മലപ്പുറം, വയനാട്. ഏപ്രില് 16ന് ഇടുക്കി, തൃശൂര്, പാലക്കാട്, മലപ്പുറം, വയനാട് എന്നിങ്ങനെയാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്.
ഒറ്റപ്പെട്ടയിടങ്ങളില് 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ ലഭിക്കുന്ന ശക്തമായ മഴയാണ് പ്രവചിക്കപ്പെട്ടിരിക്കുന്നത്.
സംസ്ഥാനത്തിന്റെ വിവിധ ഭാഗങ്ങളിൽ ശക്തമായ മഴ തുടരുകയാണ്. പലയിടത്തും ഇടിയോട് കൂടിയ മഴയാണ്. പലയിടത്തും ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നാണ് കേരള ദുരന്ത നിവാരണ അതോറിറ്റി നല്കിയിരുന്നു.
ഉച്ചയ്ക്ക് രണ്ട് മണി മുതൽ രാത്രി പത്ത് മണി വരെയുള്ള സമയത്താണ് ഇടിമിന്നലിന് ഏറ്റവും സാധ്യത പ്രവചിച്ചിരിക്കുന്നത്. രാത്രി വൈകിയും മഴയും കാറ്റും ഇടിമിന്നലും തുടരാൻ സാധ്യതയുണ്ട്.
പ്രതികരിക്കാൻ ഇവിടെ എഴുതുക