മീഡിയയില് ഏറ്റവും സജീവമായി നില കൊള്ളുന്ന മലയാള സിനിമാ സംവിധായകനാണ് ഒമര് ലുലു. സിനിമയുമായി ബന്ധപ്പെട്ട കാര്യങ്ങളിലും മറ്റുമായി പ്രേക്ഷകരോട് നേരിട്ട് സംവദിക്കാറുള്ള ഒമര് ഒരാള് പ്രൊഫൈലില് വന്നു സ്ഥിരമായി ചീത്ത വിളിച്ചാല് തിരിച്ചു വിളിക്കേണ്ടി വരുമെന്നും ഫെയ്സ്ബുക്കില് കുറിച്ചിരുന്നു ഇപ്പോഴിതാ സംവിധായകന് ഒമര് ലുലു ആരാധകരോട് ഫെയ്സ്ബുക്കില് സംവദിക്കുന്നതിനെ കുറിച്ച് പറയുന്നതിങ്ങനെ:
സിനിമാതാരങ്ങളെല്ലാം സ്വന്തം പേജുകള് സ്ഥിരമായി പരിശോധിക്കുന്നവരാണ്. ഞാനും അത്തരക്കാരനാണ്. പേജില് കമന്റു ചെയ്യുന്നവരോട് കൃത്യമായി മറുപടി പറയാറുണ്ട്. സൗഹൃദം പങ്കുവെയ്ക്കാറുണ്ട്. കമന്റുകള്ക്ക് മറുപടി പറയുന്നത് എന്തോ ഒരു മോശം കാര്യമാണെന്നു ചില സിനിമാക്കാര് ധരിച്ചുവെച്ചിട്ടുണ്ട്.
എന്റെ വാഹനം ഓടിക്കുന്നതു സുഹൃത്തുക്കളാണ്. ഈ യാത്രാ സമയങ്ങളിലെല്ലാം ഞാന് സമൂഹ മാധ്യമങ്ങളിലാകും. ആ സമയങ്ങളിലാണ് ഞാന് കമന്റുകള്ക്കു മറുപടി നല്കാറ്. ജാഡ കാരണമാവും പല സിനിമാക്കാരും ആളുകളുടെ കമന്റുകള്ക്ക് മറുപടി കൊടുക്കാത്തത്.
അഭിനേതാക്കളില് പലരും ഷൂട്ടിന്റെ ഇടവേളകളില് നല്ലൊരു സമയവും കാരവാനിലാവും. ഈ സമയത്ത് ഇവരൊക്കെ ആരാധകരുടെ മെസേജുകള് വായിക്കുന്നവരുമാണ്. പക്ഷേ കമന്റിട്ടാല് എന്തോ മോശമാണെന്ന ധാരണ കൊണ്ടാണ് പലരും മിണ്ടാതിരിക്കുന്നത്.
പ്രതികരിക്കാൻ ഇവിടെ എഴുതുക