Home KERALA സിനിമയിൽ ‘വില്ലൻ’, ജീവിതത്തിലും; ആക്ഷൻ ഹീറോ ബിജു ഉൾപ്പടെയുള്ള സിനിമകളിൽ വില്ലൻ വേഷങ്ങളിൽ എത്തിയിട്ടുള്ള നടൻ...

സിനിമയിൽ ‘വില്ലൻ’, ജീവിതത്തിലും; ആക്ഷൻ ഹീറോ ബിജു ഉൾപ്പടെയുള്ള സിനിമകളിൽ വില്ലൻ വേഷങ്ങളിൽ എത്തിയിട്ടുള്ള നടൻ മാരക ലഹരി മരുന്നുമായി പിടിയിൽ

ആക്ഷൻ ഹീറോ ബിജു ഉൾപ്പടെയുള്ള സിനിമകളിൽ വില്ലൻ വേഷങ്ങളിൽ എത്തിയിട്ടുള്ള നടൻ മാരക ലഹരി മരുന്നുമായി പിടിയിലായി. തൃക്കാക്കര സ്വദേശി കാവുങ്കൽകാവ് വീട്ടിൽ പ്രസാദ്(40) ആണ് അറസ്റ്റിലായത്. എറണാകുളം എക്സൈസ് സർക്കിൾ ഓഫിസിന്റെ നേതൃത്വത്തിൽ നടത്തിയ റെയ്ഡിൽ നോർത്തിലുള്ള പരമാര റോഡിൽനിന്നു മാരക ലഹരിമരുന്നുമായി പിടികൂടുകയായിരുന്നു.

2.5 ഗ്രാം ഹാഷിഷ് ഓയിൽ, 0.1 ഗ്രാം ബ്രൂപിനോർഫിൻ, 15 ഗ്രാം കഞ്ചാവ് മാരാകായുധമായ വളയൻ കത്തി എന്നിവ ഇയാളിൽനിന്ന് കണ്ടെടുത്തു. ഇയാൾക്കെതിരെ നർക്കോട്ടിക്ക് ഡ്രഗ്സ് ആൻഡ് സൈക്കോട്രോപിക് സബ്സ്റ്റൻസ് വകുപ്പ് പ്രകാരം കേസെടുത്തു. ഇയാൾക്കെതിരെ വിവിധ പൊലീസ് സ്റ്റേഷനുകളിൽ അക്രമങ്ങളുമായി ബന്ധപ്പെട്ട് കേസ് നിലവിലുണ്ട്.ആക്ഷൻ ഹീറോ ബിജു, ഇബ, കർമാനി എന്നി സിനിമകളിലാണ് ഇയാൾ വില്ലൻ വേഷം അവതരിപ്പിച്ചത്.

സിനിമയില്‍ ലഹരിമാഫിയായുടെ പ്രവര്‍ത്തനം സജീവമാണന്ന് മുന്‍പേ റിപ്പോര്‍ട്ടുകള്‍ ഉണ്ടായിരുന്നു. ലഹരിപാര്‍ട്ടികളില്‍ സിനിമാ പ്രവര്‍ത്തകരുടെ സാന്നിധ്യവും ചര്‍ച്ചയായിരുന്നു. മുന്‍പ് കാക്കനാട്ടെ ഫ്‌ളാറ്റില്‍ നിന്ന് ഒരു സിനിമാ പ്രവര്‍ത്തകന്‍ നഗ്നനായി ഇറങ്ങിയോടിയത് ഏറെ വിവാദമായിരുന്നു. മറ്റൊരു പ്രമുഖ നടന്‍‌റ പേരിലും ആരോപണം ഉയര്‍ന്നിരുന്നു.

എറണാകുളത്തെ ഒരു ഡിജെ പാര്‍ട്ടിയില്‍ നിന്നും കഴിഞ്ഞ ദിവസവും മയക്കുമരുന്ന് പിടിച്ചിരുന്നു. ഇപ്പോള്‍ പിടിയിലായ പ്രസാദ് നിരവധി സിനിമാ ലോക്കേഷനുകളില്‍ എത്തിയിരുന്നു. തൃക്കാക്കര പള്ളിലാംകര സ്വദേശിയാണ്.

റെയ്ഡിൽ സിഐ അൻവർ സാദത്ത്, പ്രീവന്റീവ് ഓഫിസർ രാംപ്രസാദ്, സിഇഒമാരായ റെനി ജെയിംസ് സിദ്ധാർഥ്, ദീപു, ഡ്രൈവർ സുരേഷ് എന്നിവർ പങ്കെടുത്തു.

 

Also Read :   മുൻ കേന്ദ്രമന്ത്രിയും കേരള ഗവർണറുമായിരുന്ന ആർ. എൽ ഭാട്ടിയ കൊവിഡ് ബാധിച്ച് മരിച്ചു