കൊവിഡ് രണ്ടാം തരംഗം അതിന്റെ മൂർദ്ധന്യാവസ്ഥയിൽ എത്തി നിൽക്കുന്ന സാഹചര്യത്തിൽ കുംഭ മേളയും തൃശ്ശൂർ പൂരവും പോലുള്ള പൊതുപരിപാടികൾ നടത്തുന്നതിനെതിരെ സംവിധായകൻ ഡോ ബിജു.
ഈ സാഹചര്യത്തിലും ഇത്തരം പരിപാടികൾക്ക് അനുവാദം നൽകുന്ന ഭരണാധികാരികളും ഉത്സവപ്രേമികളുമാണ് യഥാർത്ഥ വൈറസുകളെന്നും അദ്ദേഹം പറഞ്ഞു. ഫേസ്ബുക്കിലൂടെയാണ് അദേഹത്തിന്റെ പ്രതികരണം.
ഇലക്ഷൻ മാമാങ്കം കഴിഞ്ഞു… ഇനി…. അവിടെ കുംഭ മേള… ഇവിടെ തൃശൂർ പൂരം…. എന്തു മനോഹരമായ നാട്. ഏതു നൂറ്റാണ്ടിലാണാവോ ഈ മനുഷ്യന്മാരും ഭരണാധികാരികളും രാഷ്ട്രീയക്കാരും ഉത്സവ പ്രേമികളും ജീവിക്കുന്നത്. ഇവരൊക്കെയാണ് യഥാർഥ വൈറസുകൾ. കൊറോണ വൈറസ് ഇവർക്ക് മുൻപിൽ തലകുനിക്കണം.
അതേസമയം കുംഭ മേള ഉൾപ്പടെയുള്ള പൊതുപരിപാടികൾക്ക് എതിരെ പാർവതി തിരുവോത്ത്, രാം ഗോപാൽ വർമ്മ, ഹരീഷ് പേരടി ഉൾപ്പടെയുള്ളവർ രംഗത്തെത്തിയിരുന്നു. രാജ്യത്തെ വിശ്വാസികളെല്ലാം കുംഭമേളക്കും, അല്ലാത്തവര് ചൈനയിലേക്കും പോവുക.
എന്നാല് മാത്രമെ ഇനി കൊവിഡില് നിന്നും മുക്തി നേടാന് സാധിക്കു എന്നാണ് രാം ഗോപാല് വര്മ്മ ട്വീറ്റ് ചെയ്തത്. ചൈന മാത്രമാണ് നിലവില് കൊവിഡ് ഇല്ലാത്ത രാജ്യം എന്നും രാം ഗോപാല് വര്മ്മ ട്വീറ്റില് പറയുന്നു.
പ്രതികരിക്കാൻ ഇവിടെ എഴുതുക