സമൂഹമാധ്യമത്തിലും വലിയ രീതിയിലുള്ള ട്രോളുകളാണ് ബിജെപ്പിക്ക് ഏറ്റുവാങ്ങേണ്ടി വന്നത്. ഇപ്പോഴിതാ നടി ലക്ഷ്മി പ്രിയ ബിജെപിയെ അനുകൂലിച്ച് ഫേസ്ബുക്കില് പോസ്റ്റ് പങ്കുവെച്ചിരിക്കുകയാണ്. താന് സംഘപുത്രിയാണെന്നും മരണം വരെ ബിജെപ്പിക്ക് വോട്ട് ചെയ്യുമെന്നും ലക്ഷ്മി പ്രിയ വ്യക്തമാക്കി
ലക്ഷ്മി പ്രിയയുടെ ഫേസ്ബുക്ക് പോസ്റ്റ്:
എബിവിപി എന്ന് പറഞ്ഞാല് എന്ത് എന്ന് പോലും അറിയാത്ത ഞാന് എബിവിപി ചേട്ടന്മാര്ക്ക് സ്ഥാനാര്ഥി ആയി ആരെയും കിട്ടാതെ വന്നപ്പോ മോളെ മോളെങ്കിലും നില്ക്കുമോ എന്ന് ചോദിയ്ക്കുകയും ഞാന് സ്ഥാനാര്ഥി ആവുകയും വോട്ടെണ്ണിയ മീനാക്ഷിയമ്മ ടീച്ചര് ‘ഇയാള്ക്ക് ഇയാളുടെ വോട്ട് പോലും ഇല്ലേ? എന്ന് ചോദിയ്ക്കുകയും ടീച്ചറെ ഞെട്ടിച്ചു കൊണ്ടു ‘എനിക്കു ഞാന് തന്നെ ചെയ്ത ആ ഒറ്റ വോട്ട് ‘ കണ്ടെടുക്കുകയും ചെയ്തു. അപ്പൊ എനിക്കു 10 വയസ്സായിരുന്നു പ്രായം. അഞ്ചാം ക്ലാസ്സുകാരി. എന്റെ പുസ്തകത്തില് ഒക്കെ വിസ്തരിച്ചെഴുതിയിട്ടുണ്ട്. സംശയമുള്ളവര്ക്ക് വായിച്ചു നോക്കാം. ‘കഥയും കഥാപാത്രങ്ങളും സാങ്കല്പ്പികമല്ല.’
അഞ്ചില് നിന്ന് പത്തിലേക്കുയര്ന്നപ്പോ സ്കൂളുകളില് വിദ്യാര്ത്ഥി രാഷ്ട്രീയമവസാനിപ്പിയ്ക്കുകയും ലീഡര്മാര് സ്വതന്ത്രരായി മത്സരിച്ചു വിജയിക്കുകയും ചെയ്യുന്ന കാലത്തിലേക്കെത്തുകയും ഞാനടക്കമുള്ള 55 വോട്ടില് 45 ഉം നേടി ഞാന് വന്ഭൂരിപക്ഷത്തോടെ വിജയിക്കുകയും ചെയ്തു. പറഞ്ഞു വന്നത് രണ്ടു കാര്യങ്ങള് ആണ്. തോല്പ്പിച്ചത് നമ്മുടെ വ്യക്തിത്വത്തെ ഒന്നുമല്ല ഹേ, നമ്മുടെ നിലപാടിനെയാണ്. നമ്മുടെ നിലപാടാണല്ലോ നമ്മുടെ രാഷ്ട്രീയം. ഒന്നുമറിയാത്ത പ്രായത്തില് എബിവിപിയിലേക്ക് ഞാന് ആകൃഷ്ട ആയിട്ടുണ്ടെങ്കില് എന്റെ വ്യക്തിത്വവും നിലപാടും ഒരു സ്വയം സേവകയുടേത് ആയിട്ടുണ്ടെങ്കില് ബിജെപി ഇവിടെ സീറ്റ് നേടിയാലും ഇല്ലെങ്കിലും ഞാന് എന്നും സംഘ പുത്രി തന്നെ ആയിരിക്കും. മരണം വരെ ബിജെപിയ്ക്ക് വോട്ട് ചെയ്യുകയും ചെയ്യും.
ജയ പരാജയങ്ങളുടെ പേരില് ആരൊക്കെ പ്രസ്ഥാനത്തെ വിട്ടുപോയാലും ഞാന് ഉണ്ടാവും പ്രസ്ഥാനത്തിനൊപ്പം. എനിക്കു ഞാന് തന്നെ ചെയ്ത ആ ഒറ്റ വോട്ട് പോലെ ഒറ്റ സീറ്റും ഇല്ലെങ്കിലും ഒറ്റ വോട്ട് ഉറപ്പായും ഭാരതീയ ജനതാ പാര്ട്ടിയ്ക്ക് ഉറപ്പിയ്ക്കുന്ന പതിനായിരങ്ങളില് ഒരാള് ആയി ഈ ഞാനും.
എന്ന് ലക്ഷ്മി പ്രിയ ഒപ്പ്
പ്രതികരിക്കാൻ ഇവിടെ എഴുതുക