ശ്വാസംമുട്ട് അനുഭവിച്ച കൊവിഡ് രോഗിയെ ഡിവൈഎഫ്ഐ പ്രവര്ത്തകര് ബൈക്കില് ആശുപത്രിയിലെത്തിച്ച സംഭവത്തില് ശ്രീജിത്ത് പണിക്കര് ഫേസ്ബുക്കില് നടത്തിയ പരാമര്ശങ്ങള്ക്കെതിരെ വ്യാപകമായി പ്രതിഷേധമുയരുകയാണ്.
നിരവധി പ്രമുഖര് ശ്രീജിത്തിനൊപ്പം ചാനല് ചര്ച്ചയില് പങ്കെടുക്കില്ലെന്ന നിലപാട് സ്വീകരിച്ചു. ഫേസ്ബുക്കില് റേപ്പ് ജോക്ക് ഉള്പ്പെടുത്തിയതിന് മാപ്പ് പറയണമെന്നും നിരവധി പേര് ആവശ്യപ്പെടുന്നു. ഇതിനിടയിലാണ് സംവിധായകന് അലി അക്ബറിന്റെ ഫേസ്ബുക്ക് പോസ്റ്റ്.
എല്ലാവരും ശ്രീജിത്ത് പണിക്കര്ക്കെതിരെയാണല്ലോ. എന്നാല് നമുക്ക് ഒരു ചാനല് തുടങ്ങിയാലോ പണിക്കരേ എന്നാണ് പരിഹാസ രൂപേണ അലി അക്ബര് ചോദിച്ചിരിക്കുന്നത്. പോസ്റ്റിന് താഴെ നിരവധി പേര് ശ്രീജിത്തിന് അനുകൂലമായി സംസാരിക്കുന്നുണ്ട്.
അലി അക്ബര് പറയുന്നത് ശരിയാണ് ജനം ടിവി ഒഴിച്ച് കേരളത്തിലെ മറ്റ് ചാനലുകളില് നിന്ന് മോചനം ആഗ്രഹിക്കുന്നു എന്ന് പലരും അഭിപ്രായപ്പെട്ടു. ചാനല് ചര്ച്ചയില് പണിക്കര്ക്കൊപ്പം ആരും പങ്കെടുക്കില്ലെന്ന നിലപാടിനെയാണ് അലി അക്ബര് ഫേസ്ബുക്ക് പോസ്റ്റിലൂടെ കളിയാക്കിയിരിക്കുന്നത്.
പ്രതികരിക്കാൻ ഇവിടെ എഴുതുക