Home COVID 19 മുൻ ഇന്ത്യൻ ക്രിക്കറ്റ് താരം ആർപി സിംഗിൻ്റെ പിതാവ് ശിവ പ്രസാദ് സിംഗ് കൊവിഡ് ബാധിച്ച്...

മുൻ ഇന്ത്യൻ ക്രിക്കറ്റ് താരം ആർപി സിംഗിൻ്റെ പിതാവ് ശിവ പ്രസാദ് സിംഗ് കൊവിഡ് ബാധിച്ച് മരിച്ചു

മുൻ ഇന്ത്യൻ ക്രിക്കറ്റ് താരം ആർപി സിംഗിൻ്റെ പിതാവ് ശിവ പ്രസാദ് സിംഗ് കൊവിഡ് ബാധിച്ച് മരിച്ചു. തൻ്റെ ട്വിറ്റർ ഹാൻഡിലിലൂടെ ആർപി സിംഗ് തന്നെയാണ് ഇക്കാര്യം അറിയിച്ചത്.

ഇന്നാണ് അദ്ദേഹം മരണപ്പെട്ടതെന്നും എല്ലാവരും പിതാവിനു വേണ്ടി പ്രാർത്ഥിക്കണമെന്നും ആർപി സിംഗ് തൻ്റെ ട്വിറ്റർ ഹാൻഡിലിൽ കുറിച്ചു. പ്രഗ്യാൻ ഓജ, സുരേഷ് റെയ്ന, ഹെർഷൽ ഗിബ്സ് തുടങ്ങിയ താരങ്ങൾ ആർപി സിംഗിൻ്റെ പിതാവിന് ആദരാഞ്ജലികൾ അർപ്പിച്ചു.

മുൻ ഇന്ത്യൻ ക്രിക്കറ്റ് താരം പീയുഷ് ചൗളയുടെ പിതാവ് പ്രമോദ് കുമാർ ചൗളയും കഴിഞ്ഞ ദിവസം കൊവിഡ് ബാധിച്ച് മരിച്ചിരുന്നു. 60 വയസ്സായിരുന്നു.

കൊവിഡ് ബാധിതനായതിനു ശേഷം പ്രമോദ് കുമാർ ഗുരുതരമായ ആരോഗ്യപ്രശ്നങ്ങൾ നേരിട്ടിരുന്നു. ഇതേതുടർന്ന് തിങ്കളാഴ്ചയാണ് അദ്ദേഹം മരണപ്പെട്ടത്. തൻ്റെ ഇൻസ്റ്റഗ്രാം അക്കൗണ്ടിലൂടെ പീയുഷ് ചൗളയാണ് ഇക്കാര്യം അറിയിച്ചത്.

Also Read :   കണ്ണൂര്‍ ജില്ലയില്‍ 547 പേര്‍ക്ക് കൂടി കൊവിഡ്; 531 പേര്‍ക്ക് സമ്പര്‍ക്കത്തിലൂടെ