കാസര്കോട്: രൂക്ഷമായ കടലാക്രമണത്തില് കാസര്ക്കോട് ഇരുനില വീട് നിന്ന നില്പ്പില് നിലംപൊത്തി. മൂസോടി കടപ്പുറത്താണ് തീരത്തോടു ചേര്ന്ന വീട് തകര്ന്നുവീണത്. മുസോടി സ്വദേശി മൂസ എന്നയാളുടെ വീടാണ് തിരയില് തകര്ന്ന് അടിഞ്ഞത്.
രൂക്ഷമായ കടലാക്രണമാണ് ഇവിടെ അനുഭവപ്പെടുന്നത്. ഒട്ടേറെ വീടുകളില് വെള്ളം കയറിയിട്ടുണ്ട്. അപകടാവസ്ഥയുള്ള വീടുകളില്നിന്ന് ആളുകളെ മാറ്റി താമസിപ്പിച്ചു.
ടൗട്ടെ ചുഴലിക്കാറ്റിനെത്തുടര്ന്ന് കേരളത്തില് അതിതീവ്ര മഴയും അതിശക്തമായ കാറ്റും തുടരുമെന്നാണ് കാലാവസ്ഥാ മുന്നറിയിപ്പ്. ഒമ്പത് ജില്ലകളില് കാലാവസ്ഥാ വകുപ്പ് റെഡ് അലര്ട്ട് പ്രഖ്യാപിച്ചു.
തൃശൂര്, ഇടുക്കി, എറണാകുളം, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് റെഡ് അലര്ട്ട്. ലക്ഷദ്വീപിലും റെഡ് അലര്ട്ടുണ്ട്. മറ്റു ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്.
മഴയും കാറ്റും ഞായറാഴ്ചയും തുടരും. പത്തനംതിട്ട ജില്ലയിലെ കല്ലൂപ്പാറയിലും തുമ്പമണിലും ഗുരുതര പ്രളയസാധ്യത ഉണ്ടെന്ന് കേന്ദ്ര ജല കമ്മീഷന് മുന്നറിയിപ്പ് നല്കിയിട്ടുണ്ട്.
കേരളത്തിലെ നദികളിലെ സാഹചര്യം കേന്ദ്ര ജല കമ്മീഷന് വിലയിരുത്തിയ ശേഷം മണിമല, അച്ചന്കോവില് നദികളിലാണ് പ്രളയസാധ്യത അറിയിച്ചിരിക്കുന്നത്.
#Kasaragod: Fiery waves have brought down one house on Moosodi beach in Mangalpady panchayat. Two more houses will collapse soon, said panchayat member Mohammad Hussain. Seven more houses will be under threat if #CycloneTauktae continues to batter the village, he said. pic.twitter.com/jjICtzBZzV
— george poikayil (@george_poikayil) May 15, 2021
#Kasaragod This house on Moosodi beach of Mangalpady panchayat belonged to Moosa. He had rented the top floor to a family of migrant workers from Uttar Pradesh. Both the families moved out two days ago. #CycloneTauktae @xpresskerala pic.twitter.com/8vmcXSIrYM
— george poikayil (@george_poikayil) May 15, 2021
പ്രതികരിക്കാൻ ഇവിടെ എഴുതുക