പ്രിയപ്പെട്ട നന്ദുവിന് വിട, അനേകര്ക്ക് അതീജീവനത്തിന്റെ കരുത്ത് പകര്ന്നു നല്കി ഒടുവില് വേദനകളില്ലാത്ത ലോകത്തേയ്ക്ക് അവന് മറഞ്ഞു.
കാന്സറിനെ കരുത്തുറ്റ ചിരിയോടെ നേരിട്ട നന്ദു മഹാദേവ അന്തരിച്ചു. 27 വയസായിരുന്നു. ഇന്ന് പുലര്ച്ചെ മൂന്നരയൊടെയായിരുന്നു അന്ത്യം. തിരുവന്തപുരം ഭരതന്നൂര് സ്വദേശിയാണ്.
കോഴിക്കോട് എംവിആര് ആശുപത്രിയില് ചികിത്സയിലിരിക്കെയാണ് മരണം. അതിജീവനം കൂട്ടായ്മയുടെ മുഖ്യസംഘാടകനായിരുന്നു നന്ദു മഹാദേവ.
’വീണ്ടും വീണ്ടും ശരീരത്തിന്റെ ഓരോ അവയവങ്ങളേയും ക്യാന്സര് പിടി മുറുക്കുമ്പോഴും തളരാതെ ആത്മവിശ്വാസത്തോടെ ഇങ്ങനെ ചിരിക്കാന് പറ്റുമോ സക്കീര് ഭായിക്ക്… എന്ന് തുടങ്ങുന്ന നന്ദുവിന്റെ കുറിപ്പ് കണ്ണീരണിയിക്കുന്നതായിരുന്നു.
പ്രതികരിക്കാൻ ഇവിടെ എഴുതുക