സംസ്ഥാനത്ത് ബുധനാഴ്ച്ച വരെ ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. ബംഗാള് ഉള്ക്കലില് രൂപപ്പെട്ട ന്യൂനമര്ദം തിങ്കളാഴ്ചയോടെ യാസ് ചുഴലിക്കാറ്റായി മാറും. ചുഴലിക്കാറ്റിന്റെ സഞ്ചാരപഥത്തില് കേരളം ഇല്ലെങ്കിലും കനത്ത മഴയ്ക്ക് സാധ്യതയുണ്ടെന്നാണ് കാലാവസ്ഥാ വിദഗ്ധര് അറിയിക്കുന്നത്. തെക്കന്കേരളത്തിലായിരിക്കും കൂടുതല് മഴ ലഭിക്കുകയെന്നും റിപ്പോര്ട്ടില് പറയുന്നത്.
മെയ് 23 മുതല് 26 വരെ വിവിധ ജില്ലകളില് ജാഗ്രതാ നിര്ദേശം നല്കിയിട്ടുണ്ട്. ഞായറാഴ്ച പത്തനംതിട്ട, ആലപ്പുഴ, ഇടുക്കി, കോട്ടയം എന്നിവിടങ്ങളിലാണ് കനത്തമഴയ്ക്ക് സാധ്യതയുള്ളത്. തിങ്കളാഴ്ച തിരുവനന്തപുരം മുതല് എറണാകുളം വരെയുള്ള ഏഴ് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. 25-ന് തിരുവനന്തപുരം മുതല് തൃശ്ശൂര് വരെയുള്ള എട്ടു ജില്ലകളിലും യെല്ലോ അലര്ട്ടാണ്. 26-ന് കൊല്ലം മുതല് പാലക്കാട് വരെയുള്ള ജില്ലകളില് കനത്തമഴ ഉണ്ടാകുമെന്ന് കാലാവസ്ഥാ നിരീക്ഷണ കേന്ദ്രം പറഞ്ഞു. ബുധനാഴ്ച പശ്ചിമബംഗാള്-ഒഡിഷ-ബംഗ്ലാദേശ് തീരത്ത് വീശും. കാറ്റിന് മണിക്കൂറില് 110 കിലോമീറ്റര്വരെ വേഗമുണ്ടാവും.
ചുഴലിക്കാറ്റായാല് യാസ് എന്നായിരിക്കും അറിയപ്പെടുക. ഒമാനാണ് പേര് നിര്ദേശിച്ചത്. പുതിയ ചുഴലിക്കാറ്റിന്റെ സഞ്ചാര പഥത്തില് കേരളമില്ലെങ്കിലും സംസ്ഥാനത്ത് അഞ്ച് ദിവസം ശക്തമായ മഴ ഉണ്ടാകും. തെക്കന് കേരളത്തില് 25 മുതല് മഴയ്ക്ക് സാധ്യതയുണ്ടെന്നാണ് വിലയിരുത്തല്. യാസ് രൂപപ്പെട്ടാല് തൊട്ടടുത്ത ദിവസം മുതല് മഴ വടക്കന് കേരളത്തിലേക്കും കര്ണാടകയിലേക്കും വ്യാപിക്കുമെന്നാണു കണക്കുകൂട്ടല്.
ബംഗ്ലാദേശ്, മ്യാന്മാര് എന്നിവിടങ്ങളിലാകും യാസ് അപകടകാരികയാകുക. ചുഴലിക്കാറ്റ് രൂപപ്പെടാനുള്ള എല്ലാ സാഹചര്യവും ബംഗാള് ഉള്ക്കടലില് നിലനില്ക്കുന്നതായി കാലാവസ്ഥ കേന്ദ്രം അറിയിച്ചു.
അതേസമയം, വടക്കേ ഇന്ത്യന് സംസ്ഥാനങ്ങളില് കനത്ത നാശനഷ്ടം വിതച്ച ടൗട്ടേ ചുഴലിക്കാറ്റില് മരിച്ചവരുടെ കുടുംബത്തിന് 2 ലക്ഷം രൂപ സഹായധനം പ്രഖ്യാപിച്ച് പ്രധാനമന്ത്രി നരേന്ദ്രമോദി. പരിക്കേറ്റവര്ക്ക് അമ്ബതിനായിരം രൂപ സഹായധനം നല്കും.
ഗുജറാത്ത്, മുംബൈ, ഡല്ഹി തുടങ്ങിയ സ്ഥലങ്ങളിലാണ് ടൗട്ടേ ഏറ്റവും കൂടുതല് നാശം വിതച്ചത്. ഗുജറാത്തില് ചുഴലിക്കാറ്റില് മരിച്ചവരുടെ കുടുംബത്തിന് സര്ക്കാര് നാല് ലക്ഷം രൂപ ധനസഹായം പ്രഖ്യാപിച്ചിട്ടുണ്ട്. പരിക്കേറ്റവരുടെ കുടുംബത്തിന് അമ്ബതിനായിരം രൂപയും നല്കും.
ചുഴലിക്കാറ്റിനെ തുടര്ന്നുണ്ടായ അപകടങ്ങളില് 45 പേര് ഗുജറാത്തില് മരിച്ചെന്നാണ് ഔദ്യോഗിക കണക്കുകള്. തിങ്കളാഴ്ച്ച രാത്രിയാണ് ചുഴലിക്കാറ്റ് ഗുജറാത്ത് തീരത്ത് എത്തിയത്. സൗരാഷ്ട്ര തീരം മുതല് വടക്കന് ഗുജറാത്ത് വരെയുണ്ടായ കനത്ത മഴയില് 16000 ഓളം വീടുകള് തകര്ന്നു. 40,000 ല് അധികം മരങ്ങളും 70,000 ല് കൂടുതല് വൈദ്യുതി പോസ്റ്റുകളുമാണ് വിവിധയിടങ്ങളിലായി തകര്ന്നു വീണത്. 5,951 ഗ്രാമങ്ങളില് പൂര്ണമായി വൈദ്യുതി വിച്ഛേദിക്കപ്പെട്ടു.
പ്രതികരിക്കാൻ ഇവിടെ എഴുതുക