തിരുവനന്തപുരം: സംസ്ഥാനത്ത് കോവിഡ് ടെസ്റ്റ് പോസിറ്റിവിറ്റി നിരക്ക് കുറയ്ക്കാന് നിയന്ത്രണങ്ങള് കൂടുതല് ശക്തമാക്കുന്നു. ജൂണ് അഞ്ച് മുതല് ഒമ്ബത് വരെയാണ് ഇത്തരത്തില് നിയന്ത്രണങ്ങള് ഏര്പ്പെടുത്തുകയെന്ന് മുഖ്യമന്ത്രി പിണറായി വിജയന് പറഞ്ഞു. കോവിഡ് അവലോകനയോഗത്തില് സംസാരിക്കുകയായിരുന്നു അദ്ദേഹം.
നിലവില് പ്രവര്ത്തനാനുമതിയുള്ള വിപണന സ്ഥാപനങ്ങള് ജൂണ് നാലിന് രാവിലെ 9 മുതല് വൈകുന്നേരം ഏഴു വരെ പ്രവര്ത്തിക്കാം. ജൂണ് അഞ്ച് മുതല് ജൂണ് ഒമ്ബത് വരെ ഇവയ്ക്ക് പ്രവര്ത്തനാനുമതി ഉണ്ടാവില്ല. അവശ്യ വസ്തുക്കളുടെ കടകള്, വ്യവസായ സ്ഥാപനങ്ങള്ക്ക് ആവശ്യമായ അസംസ്കൃത വസ്തുക്കളും മറ്റും (പാക്കേജിംഗ് ഉള്പ്പെടെ) വില്ക്കുന്ന സ്ഥാപനങ്ങള്, നിര്മ്മാണസാമഗ്രികള് വില്ക്കുന്ന കടകള് എന്നിവക്കു മാത്രമേ ജൂണ് അഞ്ചു മുതല് ഒമ്ബത് വരെ പ്രവര്ത്തനാനുമതി ഉണ്ടാവുകയുള്ളു. ജൂണ് നാലിന് പാഴ് വസ്തുവ്യാപാര സ്ഥാപനങ്ങള് തുറക്കാം.
സര്ക്കാര്, അര്ദ്ധസര്ക്കാര് സ്ഥാപനങ്ങള്, പൊതുമേഖലാസ്ഥാപനങ്ങള്, കോര്പ്പറേഷനുകള്, കമ്മീഷനുകള് തുടങ്ങിയവ 50 ശതമാനം ഉദ്യോഗസ്ഥരെ ഉള്പ്പെടുത്തി ജൂണ് 10 മുതലാണ് പ്രവര്ത്തിക്കുക. നേരത്തെ ഇത് ജൂണ് ഏഴ് എന്നായിരുന്നു നിശ്ചയിച്ചത്.
സംസ്ഥാനത്തിനകത്തു യാത്രാനുമതിയുള്ള ആളുകള് (ഡെലിവറി ഏജന്റുമാര് ഉള്പ്പെടെ) കോവിഡ് നെഗറ്റീവ് സര്ട്ടിഫിക്കറ്റ് കരുതേണ്ട ആവശ്യമില്ല. സംസ്ഥാനത്തിന് പുറത്തു നിന്ന് വരുന്നവര് മാത്രം അത്തരം സര്ട്ടിഫിക്കറ്റുകള് കരുതിയാല് മതി.
പ്രതികരിക്കാൻ ഇവിടെ എഴുതുക