40 വയസ് മുതല് 44 വയസുവരെയുള്ള എല്ലാവര്ക്കും മുന്ഗണനാ ക്രമം ഇല്ലാതെ വാക്സിന് നല്കാന് ആരോഗ്യ വകുപ്പ് തീരുമാനിച്ചെന്ന് മന്ത്രി വീണാ ജോര്ജ്.
2022 ജനുവരി ഒന്നിന് 40 വയസ് തികയുന്നവര്ക്കും അതിന് മുകളില് പ്രായമുള്ളവര്ക്കും മുന്ഗണനാക്രമം ഇല്ലാതെ തന്നെ വാക്സിനേഷന് സ്വീകരിക്കാവുന്നതാണ്. ഇതിനായി ദേശീയ ആരോഗ്യ ദൗത്യം സര്ക്കുലര് പുറപ്പെടുവിച്ചെന്നും മന്ത്രി അറിയിച്ചു.
ഇതോടെ 40 വയസിന് മുകളിലുള്ള എല്ലാവര്ക്കും വാക്സിന് ലഭ്യമാകുന്നതാണ്. അതേസമയം 18 മുതല് 44 വയസ് വരെയുള്ളവര്ക്ക് മുന്ഗണനാ ക്രമത്തിലുള്ള വാക്സിനേഷന് തുടരുന്നതാണ്. 45 വയസിന് മുകളിലുള്ളവര്ക്കുള്ള വാക്സിനേഷന് നിലവിലുള്ള മാര്ഗനിര്ദ്ദേശങ്ങള് അനുസരിച്ച് തുടരുന്നതാണ്.
40 മുതല് 44 വയസ് വരെ പ്രായമുള്ളവര് വാക്സിന് ലഭിക്കുന്നതിനായി കോവിന് പോര്ട്ടലില് (https://www.cowin.gov.in/) രജിസ്റ്റര് ചെയ്ത ശേഷം ഓണ്ലൈനായി അപ്പോയ്മെന്റ് എടുക്കേണ്ടതാണ്. ഈ വിഭാഗത്തിന് സ്പോട്ട് രജിസ്ട്രേഷന് അനുവദിക്കുന്നതല്ല.
പ്രതികരിക്കാൻ ഇവിടെ എഴുതുക