അടുത്ത 3 മണിക്കൂറില് കേരളത്തിലെ എല്ലാ ജില്ലകളിലും ഇടിയോട് കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.ഒറ്റപ്പെട്ട സ്ഥലങ്ങളില് മണിക്കൂറില് 40 കി. മീ. വരെ വേഗതയില് വീശിയടിച്ചേക്കാവുന്ന കാറ്റിനും സാധ്യത ഉണ്ടെന്ന് കാലാവസ്ഥാ വകുപ്പിൽ നിന്നും അറിയിപ്പുണ്ട്.
ജനങ്ങള് ജാഗ്രത പുലര്ത്തണമെന്നും കാലാസ്ഥാ നിരീക്ഷണ കേന്ദ്രം അറിയിച്ചു. കേരള, ലക്ഷദ്വീപ് തീരത്ത് 50 കിലോമീറ്റര് വരെ വേഗതയില് കാറ്റ് വീശാന് സാധ്യത ഉള്ളതായും അറിയിച്ചിട്ടുണ്ട്.
വരുന്ന ദിവസം മുതല് ചൊവ്വ വരെയുള്ള ദിവസങ്ങളില് മത്സ്യത്തൊഴിലാളികള്ക്ക് ജാഗ്രതാ നിര്ദേശം നല്കിയിട്ടുണ്ട്.കൂടാതെ കാലവര്ഷം ശക്തിപ്രാപിക്കുന്നതോടെ കടലില് പോകാന് കഴിയാത്ത മത്സ്യത്തൊഴിലാളികള്ക്ക് ദിവസവും 200 രൂപയും ഭക്ഷ്യകിറ്റും നല്കുമെന്ന് ഫിഷറീസ് മന്ത്രി സജി ചെറിയാന് ഇന്ന് രാവിലെ പ്രഖ്യാപിച്ചിരുന്നു.
പ്രതികരിക്കാൻ ഇവിടെ എഴുതുക