Home KERALA കോഴിക്കോട് കിണർ ഇടിഞ്ഞു താഴ്ന്ന് തൊഴിലാളി മണ്ണിനടിയിലായി; അപകടം സംഭവിച്ചത് പടവുകൾ കെട്ടുന്നതിനിടയിൽ

കോഴിക്കോട് കിണർ ഇടിഞ്ഞു താഴ്ന്ന് തൊഴിലാളി മണ്ണിനടിയിലായി; അപകടം സംഭവിച്ചത് പടവുകൾ കെട്ടുന്നതിനിടയിൽ

കോഴിക്കോട്: വടകര എടച്ചേരിയിൽ പടവ് കെട്ടുന്നതിനിടെ കിണർ ഇടിഞ്ഞു താഴ്ന്ന് തൊഴിലാളി മണ്ണിനടിയിലായി. കായക്കൊടി മയങ്ങയിൽ കുഞ്ഞമ്മദാണ് മണ്ണിനടിയിലായത്. ഇയാളെ പുറത്തെടുക്കാനുള്ള ശ്രമങ്ങൾ തുടരുകയാണ്. ഇന്ന് രാവിലെ പത്തു മണിയോടെ എടച്ചേരി
പുതിയങ്ങാടിയിലാണ് സംഭവം.

വീടിന്‍റെ മുറ്റത്ത് മതിലിനോട് ചേർന്ന കിണറിന്‍റെ പടവുകൾ കെട്ടുന്നിതിനിടെ ശക്തമായ മഴയിൽ കിണറിന്‍റെ അരുകിലെ കല്ലിനും മണ്ണിനുമൊപ്പം കുഞ്ഞമ്മദ് കിണറിലേക്ക് ഊർന്ന് വീഴുകയായിരുന്നു.കൂടെ കിണറ്റിലേക്ക് വീണ കായക്കൊടി സ്വദേശി പൊക്കനെ പരുക്കുകളോട രക്ഷിച്ചു. ഇയാളെവടകരയിലെ ആശുപത്രിയിൽ പ്രവേശിപ്പിച്ചിരിക്കുകയാണ്.

നാട്ടുകാരും ഫയർ ആൻഡ് റെസ്ക്യു ഫോഴ്സും പൊലീസും ചേർന്നാണ് രക്ഷാപ്രവർത്തനം നടത്തുന്നത്. വെട്ട് കല്ല് ഇല്ലാത്തതിനെ തുടർന്ന് രണ്ട് ദിവസമായി ഇവിടെത്തെ കിണറിന്‍റെ പടവുകൾ കെട്ടുന്ന പ്രവൃത്തി നിലച്ചതായിരുന്നു. ഇന്ന് പ്രവൃത്തി പുനരാരംഭിച്ചപ്പോഴാണ് അപകടം സംഭവിച്ചത്.

Also Read :   നയൻതാര നായികയാകുന്ന 'നേട്രിക്കണ്ണ്' ട്രെയിലർ പുറത്തുവിട്ടു