തിരുവനന്തപുരം: ഇന്ന് മുതൽ സംസ്ഥാനത്തെ മദ്യവില്പ്പന പുനരാരംഭിക്കും. രാവിലെ 9 മണി മുതല് വൈകിട്ട് 7 വരെയാണ് പ്രവൃത്തിസമയം. ബിവറേജസ് ഔട്ട്ലെറ്റുകളിലും ബാറുകളിലും നേരിട്ടെത്തി മദ്യം വാങ്ങാം. സാമൂഹ്യ അകലം ഉറപ്പുവരുത്തും. തിരക്ക് നിയന്ത്രിക്കാന് പൊലീസിനെ ചുമതലപ്പെടുത്തും. അതേസമയം മൊബൈല് ആപ്പ് വഴിയുള്ള ബുക്കിംഗ് ഒഴിവാക്കി.
ബാറുകളില് നിന്ന് പാഴ്സല് മാത്രം അനുവദിക്കുക. 265 ബെവ്കോ ഔട്ട്ലെറ്റുകളും 32 കണ്സ്യൂമര്ഫെഡ്ഔട്ട്ലെറ്റുകളും 604 ബാറുകളുമാണ് സംസ്ഥാനത്തുള്ളത്. ടെസ്റ്റ് പോസിറ്റിവിറ്റി നിരക്ക് 20 ശതമാനത്തില് താഴെയുള്ള പ്രദേശങ്ങളില് മാത്രമായിരിക്കും മദ്യവില്പ്പന. കേരളത്തിൽ പന്ത്രണ്ട് തദ്ദേശ സ്ഥാപനങ്ങളിൽ മാത്രമാണ് ട്രിപ്പിൾ ലോക്ഡൗൺ ഉള്ളത്. അതായത് ടിപിആർ മുപ്പത് ശതമാനത്തിന് മുകളിലുള്ള പഞ്ചായത്തുകൾ.
പ്രതികരിക്കാൻ ഇവിടെ എഴുതുക