ന്യൂഡല്ഹി: മോട്ടോര് വാഹന രേഖകളുടെ കാലാവധി സെപ്റ്റംബര് 30 വരെ നീട്ടി കേന്ദ്ര സര്ക്കാര് വിജ്ഞാപനമിറക്കി. കോവിഡ് വ്യാപനം കണക്കിലെടുത്താണ് തീരുമാനം ഉണ്ടായിരിക്കുന്നത്. വാഹനങ്ങളുടെ ഫിറ്റ്നസ് സര്ട്ടിഫിക്കറ്റ്, പെര്മിറ്റ് എന്നിവയ്ക്ക് ഈ വര്ഷം സെപ്റ്റംബര് 30 വരെ കാലാവധിയുണ്ടാവും.
ലൈസന്സ്, രജിസ്ട്രേഷന് സര്ട്ടിഫിക്കറ്റ്, മറ്റു രേഖകള് എന്നിവയും സെപ്റ്റംബര് 30 വരെ കാലാവധി ഉള്ളതായി കണക്കാക്കണമെന്ന് കേന്ദ്ര റോഡ്, ദേശിയപാതാ മന്ത്രാലയം വിജ്ഞാപനത്തില് പറയുന്നു.
2020 മാര്ച്ച് 30, ജൂണ് 9 , ആഗസ്റ്റ് 24, ഡിസംബര് 27, 2021 മാര്ച്ച് 26 തീയതികളില് മോട്ടോര് വെഹിക്കിള്സ് ആക്റ്റ്, 1988, സെന്ട്രല് മോട്ടോര് എന്നിവയുമായി ബന്ധപ്പെട്ട രേഖകളുടെ സാധുത വിപുലീകരിക്കുന്നതുമായി ബന്ധപ്പെട്ട് നേരത്തെ നിര്ദേശങ്ങള് പുറപ്പെടുവിച്ചിരുന്നു.
പ്രതികരിക്കാൻ ഇവിടെ എഴുതുക