തിരുവനന്തപുരം : പൊലീസിനെ കണ്ട് ഇറങ്ങിയോടിയ അര്ച്ചനയുടെ ഭര്ത്താവ് പിടിയില്. തിരുവനന്തപുരം വെങ്ങാനൂരിലെ വാടക വീട്ടിലാണ് 24കാരിയായ അര്ച്ചനയെ മരിച്ചനിലയില് കണ്ടെത്തിയത്. സ്ത്രീധനം ആവശ്യപ്പെട്ട് മകളുമായി കലഹം ഉണ്ടായിരുന്നതായി മരിച്ച അര്ച്ചനയുടെ പിതാവ് അശോകനും അമ്മ മോളിയും പറഞ്ഞു.
പൊലീസിനെ കണ്ട് വീട്ടില് നിന്നും ഇറങ്ങി ഓടിയ അര്ച്ചനയുടെ ഭര്ത്താവ് ചിത്തിരവിളാകം സ്വദേശി സുരേഷിനെ പൊലീസ് കസ്റ്റഡിയിലെടുത്തു. വിഴിഞ്ഞം പൊലീസ് ഇയാളെ ചോദ്യം ചെയ്യുകയാണ്. യുവതിയുടെ മരണത്തില് ദുരൂഹതയുണ്ടെന്നാണ് ബന്ധുക്കള് ആരോപിക്കുന്നത്.
ഒരു വര്ഷം മുമ്പായിരുന്നു അര്ച്ചനയുടേയും സുരേഷിന്റെയും വിവാഹം നടന്നത്. സുരേഷിന്റെ വീട്ടുകാർ പണവും ഓഹരിയും ചോദിച്ചിരുന്നതായും ഇതു സംബന്ധിച്ചു തർക്കം ഉണ്ടായിരുന്നതായും അർച്ചനയുടെ അമ്മ മോളി പറഞ്ഞു. ഇന്നലെയാണ് അർച്ചനയയെ കുടുംബവീട്ടിൽ നിന്നു സുരേഷ് വിളിച്ചുകൊണ്ടുവന്നത്.
പ്രതികരിക്കാൻ ഇവിടെ എഴുതുക