സുഹൃത്ത് പീഡനത്തിന് ഇരയായെന്ന ആരോപണവുമായി രംഗത്ത് വന്ന ഒളിമ്പ്യൻ മയൂഖ ജോണിക്കെതിരെ കേസ്. വ്യാജ രേഖ ചമച്ച് പീഡന പരാതി ഉന്നയിച്ചു എന്ന് ആരോപിച്ചാണ് കേസ്.മയൂഖ അടക്കം 10 പേർക്കെതിരെ ആണ് ആളൂർ പൊലീസ് കേസെടുത്തത്. സുഹൃത്തിന് നേരിടേണ്ടി വന്ന ബലാത്സംഗത്തെക്കുറിച്ച് തുറന്നു പറഞ്ഞതിന് അപകീർത്തിക്കേസാണ് ഇവർക്ക് എതിരെ റജിസ്റ്റർ ചെയ്തിരിക്കുന്നത്.
മയൂഖയുടേയും കൂട്ടരുടേയും പരാതികളിൽ എതിർ സംഘത്തിന് എതിരെ രണ്ടു കേസുകൾ മുൻപ് റജിസ്റ്റർ ചെയ്തിരുന്നു.നിലവിൽ ഈ കേസുകളുടെ അന്വേഷണം ജില്ലാ ക്രൈംബ്രാഞ്ച് ഏറ്റെടുത്തിരുന്നു.ഇതിലെ മൂന്നു കേസുകളും ജില്ലാ ക്രൈംബ്രാഞ്ചിന് കൈമാറിയിട്ടുമുണ്ട്.2016 ൽ നടന്ന സംഭവത്തിനു ആസ്പദമാണ് കേസ്.മുരിയാട് എംപറർ ഇമ്മാനുവൽ പ്രസ്ഥാനത്തിന്റെ പരമാധികാരി നിഷ സെബാസ്റ്റ്യൻ,നവീൻ പോൾ, പി.പി.ഷാന്റോ, ട്രസ്റ്റിമാരായ ഉമേഷ് ജോസ് എന്നിവർക്കും മറ്റ് 6 പേർക്കും എതിരെ കേസെടുക്കാനാണ് ഒന്നാം ക്ലാസ് മജിസ്ട്രേട്ട് കോടതി നിർദേശിച്ചത്.
പരാതിയിൽ പരാമർശിച്ചിട്ടുള്ളത് ചാലക്കുടി സ്വദേശിയായ ചുങ്കത്ത് ജോണ്സണ് വീട്ടില് ആരുമില്ലാത്ത സമയത്ത് പെണ്കുട്ടിയെ ബലാത്സംഗം ചെയ്യുകയും ഭീഷണിപ്പെടുത്തി നഗ്നചിത്രങ്ങള് എടുക്കുകയും ചെയ്തെന്നാണ്.മാത്രമല്ല പ്രതിയ്ക്കു വേണ്ടി മന്ത്രിതലത്തില് വരെ ഇടപെടലുണ്ടായെന്നും കേസെടുക്കാതിരിക്കാൻ വനിതാ കമ്മീഷൻ അധ്യക്ഷയായിരുന്ന എം സി ജോസഫൈൻ ഇടപെട്ടുവെന്നും ഗുരുതരമായ ആരോപണങ്ങളും മയൂഖ ഉന്നയിച്ചിരുന്നു.
പ്രതികരിക്കാൻ ഇവിടെ എഴുതുക