പെഗാസസ് ഉപയോഗിച്ച് ടിബറ്റന് ആത്മീയ നേതാവായ ദലൈലാമയുടെ ഉപദേശകരുടെയും സഹായികളുടെയും ഫോണ് വിവരങ്ങള് ചോര്ത്തിയതായി ദി ഗാര്ഡിയന് റിപ്പോര്ട്ട് ചെയ്തു.
ടെംപ സെറിംഗ് അടക്കമുള്ള മുതിര്ന്ന ഉപദേശകര്, സഹായികളും വിശ്വസ്തരുമായ ടെന്സിംഗ് ടക്ല്ഹ, ചിമി റിഗ് സണ് എന്നിവരടക്കം ദലൈലാമയുടെ വലയത്തിലുള്ള ഒരു കൂട്ടം ആളുകളുടെ ഫോണുകള് ചോര്ന്നുവെന്നാണ് പുറത്തുവരുന്ന റിപ്പോര്ട്ട്.
ധരംശാലയിലെ ടിബറ്റന് പ്രവാസ സര്ക്കാര് തലവനായ ലോബ് സാങ് സാങ്ഗേയുടെയും ഫോണ് ചോര്ത്തപ്പെട്ടെന്നാണ് ദി ഗാര്ഡിയന് വെളിപ്പെടുത്തിയത്. 2017 മുതലുള്ള വിവരങ്ങളാണ് പെഗാസസ് ഉപയോഗിച്ച് നിരീക്ഷിച്ചിരിക്കുന്നത്.
റിപ്പോര്ട്ടുകളുടെ അടിസ്ഥാനത്തില് അമേരിക്കന് മുന് പ്രസിഡന്ര് ബറാക്ക് ഒബാമയുമായി ദലൈലാമ 2017ല് കൂടിക്കാഴ്ച നടത്തിയതിന് തൊട്ട് മുന്പും ശേഷവുമാണ് ഫോണ് ടാപ്ചെയ്യപ്പെട്ടിരിക്കുന്നത്.
പ്രതികരിക്കാൻ ഇവിടെ എഴുതുക