കൂടുതല് കുട്ടികള്ക്ക് ജന്മം നല്കുന്നതിനെ പ്രോത്സാഹിപ്പിച്ച് പാലാ രൂപത. 2000ത്തിന് ശേഷം വിവാഹിതരായ ദമ്പതികൾക്കാണ് പാലാ രൂപതയുടെ സമ്മാനം. അഞ്ചു കുട്ടികളില് കൂടുതലുള്ള കുടുംബത്തിന് പാലാ രൂപത ഫാമിലി അപോസ്തലേറ്റ് വഴി പ്രതിമാസം 1,500 രൂപ സാമ്പത്തിക സഹായം നൽകും.
ഒരു കുടുംബത്തില് നാലാമതായും തുടര്ന്നും ജനിക്കുന്ന കുട്ടികള്ക്ക് പാലായിലെ സെന്റ് ജോസഫ്സ് കോളേജ് ഓഫ് എന്ജിനീയറിങ് ആന്ഡ് ടെക്നോളജിയില് സ്കോളര്ഷിപ്പോടെ പഠനം, ഒരു കുടുംബത്തിലെ നാലുമുതലുള്ള കുട്ടികളുടെ ജനനവുമായി ബന്ധപ്പെട്ട ആശുപത്രി സൗകര്യങ്ങള് പാലായിലെ മാര് സ്ലീവാ മെഡിസിറ്റിയില് സൗജന്യമായി നല്കും തുടങ്ങിയ വാഗ്ദാനങ്ങളാണ് മുന്നോട്ട് വയ്ക്കുന്നത്.
കുടുംബവര്ഷം 2021 ആചരണത്തോട് അനുബന്ധിച്ച് നടന്ന ഓണ്ലൈന് യോഗത്തിലാണ് പാലാ ബിഷപ്പ് ജോസഫ് കല്ലറങ്ങാട്ട് ഇക്കാര്യം പ്രഖ്യാപിച്ചത്.
പ്രതികരിക്കാൻ ഇവിടെ എഴുതുക