Home LATEST NEWS അസമില്‍ ദേശീയപാതയ്ക്ക് സമീപം യുവാവിനെ കാട്ടാന ചവിട്ടിയരച്ചു കൊന്നു

അസമില്‍ ദേശീയപാതയ്ക്ക് സമീപം യുവാവിനെ കാട്ടാന ചവിട്ടിയരച്ചു കൊന്നു

അസമില്‍ ദേശീയപാതക്ക് സമീപം യുവാവിനെ കാട്ടാന ചവിട്ടിയരച്ചു കൊന്നു . തേയിലത്തോട്ടത്തിലിറങ്ങിയ കാട്ടാനകളെ തുരത്താനിറങ്ങിയതിനിടെയാണ് അപകടം. ശബ്ദമുണ്ടാക്കിയും പാത്രം കൊട്ടിയും ബഹളമുണ്ടാക്കിയപ്പോള്‍ കാട്ടാന തിരിഞ്ഞ് വന്ന് ആളുകളെ ആക്രമിക്കുകയായിരുന്നു.

മുപ്പതോളം ആനകള്‍ അടങ്ങുന്ന കാട്ടാനക്കൂട്ടമാണ് തേയിലത്തോട്ടത്തിലിറങ്ങിയത്. ഇവയെ റോഡിന് മറുവശത്തേക്ക് ഓടിക്കാനുള്ള ശ്രമങ്ങളിലായിരുന്നു നാട്ടുകാര്‍. പാസ്കല്‍ മുണ്ട എന്ന യുവാവാണ് കാട്ടാന ആക്രമണത്തിൽ കൊല്ലപ്പെട്ടത്.
ജോലി സ്ഥലത്ത് നിന്ന് വീട്ടിലേക്ക് മടങ്ങുകയായിരുന്നു പാസ്കല്‍ മുണ്ടയെന്നാണ് സൂചന.

അതേസമയം നാട്ടുകാര്‍ ഓടിക്കാനായി ശബ്ദമുണ്ടാക്കിയതും പടക്കം പൊട്ടിച്ചതുമാണ് ആനയെ പ്രകോപിപ്പിച്ചതെന്നാണ് വിദഗ്ധരുടെ നിരീക്ഷണം. കഴിഞ്ഞ പത്ത് വര്‍ഷത്തിനിടയില്‍ 812 പേരാണ് അസമില്‍ മാത്രം വന്യജീവികളുടെ ആക്രമണത്തില്‍ മരിച്ചിട്ടുള്ളത്.

 

Also Read :   25 വർഷം മുൻപ് കടത്തിണ്ണയിൽ ഉറുമ്പരിച്ച ചോര കുഞ്ഞിനെ കാണാൻ സുരേഷ് ഗോപി എത്തി