ഡല്ഹി: നിയമസഭ കയ്യാങ്കളിക്കേസില് സംസ്ഥാന സര്ക്കാരിന് തിരിച്ചടിയായി സുപ്രീംകോടതി വിധി.മന്ത്രി വി ശിവന്കുട്ടി അടക്കം കേസിലെ ആറ് പ്രതികളും വിചാരണ നേരിടണമെന്ന് സുപ്രീംകോടതി വിധിച്ചു.
പ്രതികള് ഭരണഘടന നല്കുന്ന അവകാശത്തിന്റെ അതിര് ഭേദിച്ചു എന്ന് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ച് ചൂണ്ടിക്കാട്ടി. ജനപ്രതിനിധികള്ക്കുള്ള പ്രത്യേക അവകാശം ഉത്തരവാദിത്തം നിര്വഹിക്കുന്നതിനാണ്. പരി രക്ഷ ഒരു പദവിയല്ല.
പ്രത്യേക പരിരക്ഷ ജനപ്രതിനിധികള് എന്ന നിലയിലുള്ള പ്രവര്ത്തനങ്ങള്ക്ക് മാത്രമാണെന്ന് കോടതി വ്യക്തമാക്കി.
പ്രത്യേക അവകാശം പൊതു നിയമങ്ങളില് നിന്നും ഒഴിവാകാനുള്ള കവാടമല്ല. സഭയിലെ അക്രമം സഭാനടപടിയുടെ ഭാഗമായി കാണാനാകില്ല.
പൊതുമുതല് നശിപ്പിക്കുന്നത് അഭിപ്രായസ്വാതന്ത്ര്യത്തിന്റെ പരിധിയില് ഉള്പ്പെടുത്താനാകില്ലെന്നും കോടതി വ്യക്തമാക്കി.കേസ് പിന്വലിക്കാനുള്ള അപേക്ഷ ഭരണഘടനാ തത്വങ്ങളോടുള്ള വഞ്ചനയാണ്.
ഭരണഘടനയുടെ 194-ാം അനുച്ഛേദത്തിന്റെ തെറ്റായ വായനയാണ്. പരിരക്ഷ തേടുന്നത് ജനങ്ങളോടുള്ള വഞ്ചനയാണെന്നും കോടതി അഭിപ്രായപ്പെട്ടു.
പബ്ലിക് പ്രോസിക്യൂട്ടറെയും സുപ്രീംകോടതി വിമര്ശിച്ചു. പബ്ലിക് പ്രോസിക്യൂട്ടര് പ്രവര്ത്തിക്കേണ്ടത് സ്വതന്ത്രമായാണെന്നും കോടതി വിധിയില് ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക