നിയമസഭ കയ്യാങ്കളിക്കേസില് വിചാരണ നേരിടണമെന്ന് വിധിയിൽ വിദ്യാഭ്യാസമന്ത്രി വി ശിവന്കുട്ടി രാജിവയ്ക്കണമെന്നാവശ്യം പ്രതിപക്ഷം ഇന്ന് നിയമസഭയില് ഉന്നയിക്കും. അടിയന്തര പ്രമേയമായി വിഷയമുന്നയിക്കാനാണ് പ്രതിപക്ഷ തീരുമാനം. ശിവന്കുട്ടിയെ പ്രതിരോധിച്ചുള്ള സര്ക്കാര് നിലപാട് മുഖ്യമന്ത്രി സഭയില് വിശദീകരിക്കും.
നിയമസഭയ്ക്ക് പുറത്ത് കോണ്ഗ്രസും ബഹുജന സംഘടനകളും പ്രതിഷേധം സംഘടിപ്പിക്കും. രാജിയില്ലാതെ പിന്നോട്ടില്ലെന്ന് കെപിസിസി പറയുമ്പോൾ ശിവൻകുട്ടി മന്ത്രി സ്ഥാനം രാജിവയ്ക്കേണ്ടതില്ലെന്ന് സിപിഎമ്മും വ്യക്തമാക്കിയിട്ടുണ്ട്.
അതേസമയം ശിവന്കുട്ടി രാജിവെക്കുക,ക്രിമിനലുകൾക്ക് വേണ്ടി പൊതുഖജനാവ് ധൂർത്തടിക്കുന്ന സർക്കാർ നടപടി അവസാനിപ്പിക്കുക തുടങ്ങിയ ആവശ്യങ്ങൾ ഉന്നയിച്ച് ഇന്ന് കോണ്ഗ്രസ് പ്രതിഷേധ പരിപാടി സംഘടിപ്പിക്കും. കലക്ട്രേറ്റുകള്ക്ക് മുന്നില് മാര്ച്ചും ധര്ണയും നടത്താനാണ് തീരുമാനം. നാളെ വൈകുന്നേരം ഇതേ ആവശ്യം ഉന്നയിച്ച് മണ്ഡലം തലത്തില് പ്രതിഷേധ പ്രകടനങ്ങള് നടത്തും
പ്രതികരിക്കാൻ ഇവിടെ എഴുതുക