ട്വിറ്ററില് ഏഴുകോടിപ്പേര് പിന്തുടരുന്ന സജീവ രാഷ്ട്രീയ പ്രവര്ത്തനകനെന്ന നേട്ടം സ്വന്തമാക്കി പ്രധാനമന്ത്രി നരേന്ദ്രമോദി. 2009-ല് ഗുജറാത്ത് മുഖ്യമന്ത്രിയായിരുന്ന കാലം മുതല് ട്വിറ്റര് ഉപയോഗിച്ചിരുന്നു മോദി. 2020 ജൂലായില് ആറുകോടി പേര് പിന്തുടരുന്ന ലോകനേതാവെന്ന നേട്ടവും മോദി സ്വന്തമാക്കിയിട്ടുണ്ട്.
ആഭ്യന്തരമന്ത്രി അമിത് ഷായ്ക്ക് 2.6 കോടിയും കോണ്ഗ്രസ് നേതാവ് രാഹുല് ഗാന്ധിക്ക് 1.9 കോടിയും ട്വിറ്ററില് ഫോളോവേഴ്സുണ്ട്. ട്വിറ്റര് പതിവായി ഉപയോഗിക്കുന്നതാണ് മോദിക്ക് ഫോളോവേഴ്സിന്റെ എണ്ണം വര്ധിക്കാന് കാരണം. 5.3 കോടി ഫോളോവേഴ്സുമായി ഫ്രാന്സിസ് മാര്പാപ്പയാണ് മോദിക്കു തൊട്ടുപിന്നില്.
യു.എസ്. പ്രസിഡന്റ് ജോ ബൈഡന് 3.9 കോടി ഫോളോവേഴ്സാണ് ട്വിറ്ററിലുള്ളത്. മുന് യു.എസ്. പ്രസിഡന്റ് ബരാക് ഒബാമയ്ക്ക് 12.9 കോടിയും ഫോളോവേഴ്സ് ഉണ്ട്. മുന് യു.എസ്. പ്രസിഡന്റ് ഡൊണാള്ഡ് ട്രംപിന് 8.8 കോടി ഫോളോവേഴ്സ് ഉണ്ടായിരുന്നുവെങ്കിലും കാപിറ്റോള് കലാപത്തിനുശേഷം അദ്ദേഹത്തിന്റെ ട്വിറ്റര് അക്കൗണ്ടിനു പൂട്ടുവീണിരിക്കുകയാണ്. തദ്ദേശീയമായി വികസിപ്പിച്ചെടുത്ത ‘കൂ’ ആപ്ലിക്കേഷന് ഉപയോഗിക്കാനാണ് കേന്ദ്രസര്ക്കാര് പ്രോത്സാഹിപ്പിക്കുന്നത്. കൂവിന് പ്രചാരം ഏറിയതോടെ ട്വിറ്ററുപയോക്താക്കളുടെ എണ്ണം ഇടിയുന്നതായാണ് കണക്കുകള് വ്യക്തമാക്കുന്നത്.
പ്രതികരിക്കാൻ ഇവിടെ എഴുതുക