Home LATEST NEWS കൊവിഡ് നിയന്ത്രണം; കേരളത്തിനെതിരെ കേന്ദ്രസംഘം

കൊവിഡ് നിയന്ത്രണം; കേരളത്തിനെതിരെ കേന്ദ്രസംഘം

കൊവിഡ് വ്യാപനം നിയന്ത്രിക്കുന്നതിൽ കേരളം വീഴ്ച വരുത്തിയെന്ന് കേന്ദ്ര സംഘത്തിന്റെ വിലയിരുത്തൽ. കേരളത്തിൽ കൊവിഡ് പരിശോധനകൾ കാര്യക്ഷമമല്ലെന്നും കേന്ദ്രസംഘത്തിന്റെ റിപ്പോർട്ടിൽ പറയുന്നു.കേരളത്തിൽ കേന്ദ്ര സർക്കാർ നിർദ്ദേശമനുസരിച്ച് കണ്ടെയ്ൻമെന്റ് സോണുകളില്ല. ഗാർഹിക നിരീക്ഷണവും ചികിത്സയും ഫലപ്രദമല്ല.

സമ്പർക്ക പട്ടിക തയ്യാറാക്കൽ കാര്യക്ഷമമല്ലെന്നും റിപ്പോർട്ടിൽ പറയുന്നു. പ്രാഥമിക വിലയിരുത്തൽ റിപ്പോർട്ട് കേന്ദ്ര സംഘം ആരോഗ്യമന്ത്രാലയത്തിന് കൈമാറി. അതേസമയം, സംസ്ഥാനത്ത് പുതിയ ലോക്ക് ഡൗൺ മാർഗനിർദ്ദേശങ്ങൾ നാളെ മുതൽ നടപ്പാകും. ഇത് സംബന്ധിച്ച ഉത്തരവ് സർക്കാർ പുറത്തിറക്കി. ടിപിആറിന് പകരം ഇനി മുതൽ പ്രതിവാര രോഗബാധ നിരക്ക് ( Weekly infection population ratio) അടിസ്ഥാനമാക്കിയാക്കും നിയന്ത്രണങ്ങൾ. കൂടാതെ ഞായറാഴ്ച മാത്രമാകും ലോക്ക്ഡൗൺ. കടകൾക്ക് രാത്രി 9 വരെ പ്രവർത്തിക്കാനും അനുമതി നൽകി.

Also Read :   30 കോടിയുടെ തിമിംഗല ഛര്‍ദ്ദിലുമായി രണ്ടുപേര്‍ പിടിയില്‍; കണ്ണൂര്‍ സ്വദേശികളാണ് പിടിയിലായത്